هێزا پشته‌ڤانيا 1: دێ كوردستانێ بۆ دوژمنا كه‌ينه گۆرستان
ئه‌ڤرۆ نيوز:
فه‌رماندا هێزا پشته‌ڤانيا 1 يا پێشمه‌رگێ كوردستانێ راگه‌هاند كو ئه‌و خه‌لكێ كوردستانێ پشت راست دكه‌ن كه‌سه‌ك نه‌شێت پێ خوه ب هاڤێژيته د ناڤ ئاخا وان دا و كا چاوان “داعش” تێكشاندن، دێ وه‌سان وى لايه‌نى يان كه‌سى ژى تێكشكێنن يێ ئه‌ردێ وان داگير بكه‌ت.
د به‌ياننامه‌كێ دا كو دانه‌يه‌ك بۆ ئه‌ڤرۆ نيوز ژى ره‌وانه كريه ئاماژه ب وێ چه‌ندێ ژى كريه كو پشتى سه‌ركه‌فتنا مه‌زن يا گه‌لێ كوردستانێ ل رۆژا ريفراندۆمێ و دياركرنا چاره‌نڤيسێ خوه ب ده‌نگێ به‌لێ ب رێژه‌يه‌كا بلند، هنده‌ك كه‌س و لايه‌نان ده‌ست ب گه‌فان بۆ سه‌ر ئه‌ردێ كوردستانێ كريه.
هه‌ر د ڤێ به‌ياننامێ دا خۆيا ژى كريه كو د ماوێ بۆرى دا، ل هه‌مبه‌ر گه‌له‌ك دوژمنێن مرۆڤاتيى و هۆڤان راوه‌ستياينه و ئه‌ردێ خوه پاراستيه دا كو روحا شه‌هيدان شاد ببيت و ئارمانجێن ريفراندۆمێ ب ده‌ست ڤه بهێن كو سه‌ربه‌خۆيا كوردستانێ يه، “دێ ل به‌ر سينگێ وان ژى راوه‌ستيان و ئه‌ردێ كوردستانێ بۆ كه‌ينه گۆرستان”.
