هێزێن سوريا ديموكراتيك ده‌وروبه‌رێن دێره‌زۆر خستنه بن دوورپێچه‌كا دژوار دا
ئه‌ڤرۆ نيوز، فاتما مزوورى:
هێزێن سووریا ده‌مۆكراتیك ده‌ردۆرا باژارۆكێ ده‌شیشێ ل دێرازۆرێ گرتنه و خستنه د بن دۆرپێچه‌كه توند ده.
فه‌رمانده‌یه‌كی هه‌سه‌دێ ژی ئەشكه‌ره دكه‌ت كو نێزیكی 800 چه‌كدارێن داعشێ ل ڤێ ده‌ڤه‌رێ مانه كو پرانیا وان ژ ده‌رڤه‌یی سووریێ نه.
ئۆپه‌راسیۆنا هێزێن سووریا ده‌مۆكراتیك ژ بۆ ده‌رخستنا گوندێن ل ده‌ردۆرا ناڤچه‌یا ده‌شیشه ل رۆژهلاتێ شه‌دادێ ژ ده‌ستێ چه‌كدارێن داشێ به‌رده‌وامە.
هه‌ری داوی د ئەنجاما شه‌ره‌كی دژوار ده، ته‌نێ سێ كیلۆمه‌تر د ناڤبه‌را شه‌رڤانێن هه‌سه‌دێ و باژارۆكێ ده‌شیشه ده مایه كو بارگه‌هه‌كه گرینگ یا داعشێ ل باشوورێ رۆژهلاتێ پارێزگه‌ها هه‌سه‌كێ یه.
فه‌رماندارێ هه‌سه‌دێ، ده‌لیل جودی گۆت: “ئه‌ڤ ده‌ڤه‌ر ب ته‌مامی ژ ئالیی چه‌كدارێن داعشێ ڤه هاتیه بۆمبرێژكرن. له‌وما ئەم ب زریپۆشا هێزێن سووریا ده‌مۆكراتیك ره دچن ئەنیا پێش یا شه‌رێ ل دژی داعشێ. چاندنا بۆمبان تاكتیكا هه‌ری زێده یه كو رێخستنا داعش ل وێ ده‌ڤه‌رێ ب كار تینه.”
پێشڤه‌چوونێن هێزێن سووریێ ده‌مۆكراتیك ل هه‌رێما دێره‌زۆرێ به‌رده‌وامە و چه‌كدارێن داعشێ خستنه بن دۆرپێچه‌كه توند.
گیڤارا تله‌لۆ، كو شه‌رڤانه‌كی هه‌سه‌دێ یه، به‌حسا شه‌ر و په‌ڤچوونێن ل ده‌ردۆرا باژارۆكێ ده‌شیشه كر و گۆت: “ل ڤر په‌ڤچوون روو دان و بالافرێن هه‌ڤپه‌یمانیێ ده‌ستێوه‌ردان تێده كر و بارگه‌هێن داعشێ ئارمانج كرن، و تا نها ئەم نكارن پێشكه‌ڤن و ته‌رمێن وان بینن.”
سه‌رۆكێ خالا سه‌ربازی یا هه‌سه‌دێ ل ده‌ردۆرا ده‌شیشه‌یێ، خه‌لیل ئید خویاكرن، كو چه‌كدارێن داعشێ ئێدی نكارن شه‌ر بكن، له‌وما ل هه‌رێمێ ته‌نێ ماین و بۆمبه‌یان ل سه‌ر جاده‌یان ددانن.
خه‌لیل ئید وها ئاخڤی: “چه‌كدارێن داشێ ژ به‌ر كو نكارن پێشده بچن، ئەو ماین و هاونان بكار تینن، ل ڤان ده‌ڤه‌ران هه‌موویان داعشێ هه‌یه، كه‌س نكاره سه‌رێ خوه هلده، داعش ته‌نێ ماینان دچینه و ب هاونان ئێریشی مه دكه‌ن.
د وێ ئوپه‌راسیۆنا كو ژ دوو ئالیان ڤه هاتیه ده‌ستپێكرن، 30 گوند و زه‌ڤی ژ ئالیێ هه‌سه‌دێ ڤه هاتن كۆنترۆك كرن، نها ژی هه‌ولا دۆرپێچكرنا ته‌ڤایا باژارۆكێ دشیشا تێ دان.
