هێزێن عيراقێ يێ د پێشڤه‌چوونێ دا و هادى عامرى ژى گه‌فان دكه‌ت
ئه‌ڤرۆ نيوز:
هێزێن ئه‌منى يێن عيراقى راگه‌هاند كو هێزێن عيراقى ل گه‌رمه يا نێزيكى فه‌لۆجه يا سه‌ر ب پارێزگه‌ها ئه‌نبار يێن د پێشڤه‌چوونێ دا.
فه‌رماندێ ئۆپه‌راسيۆنێن به‌غدا كوشتنا حه‌فت چه‌كدارێن داعش و ژناڤبرنا بۆمبێن چاندنى و ترۆمبێلێن مينرێژكرى راگه‌هاند و ئاماژه ب وێ چه‌ندێ ژى كر كو هێزێن عيراقى ب پشته‌ڤانيا فرۆكێن شه‌رى يێن عيراقێ و هه‌ڤپه‌يمانان چه‌ند ده‌ڤه‌ره‌ك كۆنترۆل كرن.
عه‌زال فه‌هداوى، ئه‌ندامێ جڤاتا پارێزگه‌ها ئه‌نبار راگه‌هاند: هێزێن ئه‌منى سه‌رپه‌رشتيا گرتنا گه‌رمه دكه‌ن و هنده‌ك جهان د پێشڤه‌چوونێ دانه و نوكه بزاڤێ دكه‌ن بگه‌هنه سه‌نته‌رێ ناحيێ.
د به‌رامبه‌ر دا، هادى عامرى، ئه‌ميندارێ گشتيێ رێكخراوا به‌در د داخۆيانيه‌كێ دا گۆت: “روومادى دێ ب ڤان نێزيكان هێته رزگار كرن و هێزێن حه‌شه‌د شه‌عبى ده‌ستووريێ ژ كه‌سێ وه‌رناگرن بۆ چوونا ناڤ پارێزگه‌ها ئه‌نبار يان هه‌ر پارێزگه‌هه‌كا دى”.