هێزێن پێشمه‌رگه‌يى يێ د پێشڤه‌چوونێ دا
ئه‌ڤرۆ نيوز:
ئه‌ڤرۆ سپێدێ چه‌كدارێن داعش ژ چه‌ند لايان ڤه هێرش كرنه سه‌ر سه‌نگه‌رێن پێشمه‌رگه‌يى ل باشوورێ باژێرێ كه‌ركووك و چه‌نده‌كێ هاتنه پێش، پاشان ژ لايێ پێشمه‌رگه‌يى ڤه هێرشا هه‌ڤدژ كره سه‌ر و شيان ئه‌و جهێن ئه‌وان گرتين ژ ده‌ستان بيننه ده‌ر.
ژێده‌ره‌كى ژ هێزێن پێشمه‌رگێ كوردستانێ بۆ ئه‌ڤرۆ نيوز گۆت: “سپێدێ زوو چه‌كدارێن داعش ل باشوورێ كه‌ركووك ژ چه‌ند لايان ڤه هێرش كره سه‌ر هێزێن پێشمه‌رگه‌يى و شيان ل ده‌سپێكێ ده‌ستێ خوه بداننه سه‌ر چه‌ند جهان ل ده‌ڤه‌رێ”.
زێده‌تر گۆت: “پاشان هێزێن پێشمه‌رگه‌يى شيان سه‌ربازگه‌ها خالد و پرا تلوه‌رد و مريه‌م به‌گ كۆنترۆل بكه‌ن”.
ئاماژه ب وێ چه‌ندێ ژى كر كو نوكه هێزێن پێشمه‌رگه‌يى د به‌رده‌وامن د پێشڤه‌چوونێن خوه دا.
