هێلا ئه‌نترنێتێ دێ بۆ چه‌نده‌كێ هێته راگرتن
ئه‌ڤرۆ نيوز:
وه‌زيرێ په‌روه‌ردێ ل حوكمه‌تا هه‌رێما كوردستانێ داخواز ژ وه‌زيرێ ڤه‌گوهاستن و گه‌هاندنێ دكه‌ت كو ل رۆژێن ئه‌زموونێن نشتيمانى هێلا ئه‌نترنێتێ بهێته گرتن دا كو قوپيا ب رێيا ته‌كنولۆژيايێ نه‌هێته‌كرن.
نڤيسينگه‌ها وه‌زيرێ ڤه‌گوهاستن و گه‌هاندنێ د راگه‌هاندنه‌كێ دا ئاشكه‌را كر كو د ديداره‌كا ناڤبه‌را پشتيوان سادق وه‌زيرێ په‌روه‌ردێ و مه‌ولود موراد وه‌زيرێ ڤه‌گوهاستن و گه‌هاندنێ دانوستاندن ل سه‌ر هه‌ماهه‌نگى و هاريكاريا ناڤبه‌را هه‌ردو وه‌زاره‌تان هاتيه كرن ب تايبه‌ت د ماوێ ئه‌نجامدانا ئه‌زموونێن نشتيمانى يێن ئه‌ڤ ساله دا بۆ پۆلێن 9 و 12ێ بنه‌ره‌ت.
ب گۆره‌ى راگه‌هاندنێ نڤيسينگه‌ها وه‌زيرێ ڤه‌گوهاستنێ و گه‌هاندنێ، وه‌زيرێ په‌روره‌ده‌يا هه‌رێمێ داخواز ژ وه‌زيرێ ڤه‌گوهاستنێ و گه‌هاندنێ كريه كو د رۆژێن ئه‌زموونان دا تۆڕا ئه‌نترنێت و مۆبايلێ بهێته راگرتن بۆ رێگرتن ل ئه‌گه‌رێ روودانا هه‌ر كاره‌كى كو ب ئه‌گه‌رێ ته‌كنۆلۆژيايێ روو بده‌ت.
