هێلا ئه‌نترنێتێ دێ هێته راگرتن
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا گشتى يا په‌روه‌ردا پارێزگه‌ها دهۆكێ راگه‌هاند كو سوبه‌هى ل گه‌ل ده‌سپێكرنا ئه‌زموونێن خولا دويێ يێن قووناغا 9ێ بنه‌ره‌ت و 12ێ ئاماده‌يى هێلا ئه‌نترنێتێ ژى دێ هێته راگرتن.
ئەحمەد عەبدولا زوبێر، بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھۆکێ، بۆ ئەڤرۆ نیوز گۆت: “سوبەھی رۆژا دوشەمبی ئەزموونێن نشتیمانی یێن خولا دویێ بۆ سالا خواندنێ 2017 – 2018 بۆ قووناغێن 9ێ بنەرەت و 12ێ ئامادەیی دەستپێکەن”.
ئاماژە ب وێ چەندێ ژی کر کو ب گۆرەیی خشتێ وەزارەتا پەروەردا حوکمەتا ھەرێما کوردستانێ، ژبلی رۆژا ئەینی ئەزموون دێ رۆژانە ھێنە ھێنە کرن و ل 5ی ئیلۆنا 2018ێ دێ ب دووماھی ھێن.
بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھۆکێ دا زانین ژی کو 15 ھزار و 234 قوبابی ل سەر ئاستی بنەرەتی و 29 ھزار و 415 قوتابیێن 12ێ ئامادەیی کو ژ وان 17 ھزار و 470 قوتابی یێن زانستی نە و 11 ھزار و 945 قوتابی یێن وێژەیی نە و ئەڤ ھەموو قوتابیە ل سەر 569 بنگەھێن ئەزموونان ھاتینە بەلاڤکرن.
ده‌رباره‌يى گرتنا هێلا ئه‌نترنێتێ ژى گۆت: “بڕياره ل رۆژانێن ئه‌زموونێن قوتابيان كو دێ ب ره‌نگه‌كێ رۆژانه هێنه كرن ژبلى رۆژا ئه‌ينى هێلا ئه‌نترنێتێ بهێته راگرتن ژ ده‌مژمێر 7:00 هه‌تا 9:00 دا كو ده‌ليڤه ب ئه‌نجامدانا قوپيايێ بهێته كێمكرن”.