هێلا ئه‌نترنێتێ ل هه‌رێما كوردستانێ دێ هێته راگرتن
ئه‌ڤرۆنيوز:
ب مه‌ره‌ما رێگرتنێ ل دياردا قوپيايێ ل ئه‌زموونێن پۆلێن دووماهيێ، وه‌زاره‌تا ڤه‌گوهاستنێ وگه‌هاندنێ ل هه‌رێما كوردستانێ خزمه‌تا ئه‌نترنێتێ دێ راگريت.
وه‌زاره‌تا ڤه‌گوهاستنێ وگه‌هاندنێ ئه‌ڤرۆ ئێكه‌شه‌مبى 20/5/2018 به‌لاڤكر” دكۆمبوونه‌كێ دا دناڤبه‌را وه‌زاره‌تا ڤه‌گوهاستنێ وگه‌هاندنێ وكۆمپانيێن دابينكرنا ئه‌نترنێتێ( مۆبايل، وايرلێس/ فايبه‌رئۆپتيك) ورێڤه‌به‌رێ گشتيێ ئه‌زموونان ل وه‌زاره‌تا په‌روه‌ردێ، ب مه‌ره‌ما رێگرتنێ ل دياردا قوپيايێ ل ده‌مێ ئه‌زموونێن پۆلێن دووماهيێ، بريار هاته دان ل ده‌مێ ئه‌نجامدانا ئه‌زموونان، هێلا ئه‌نترنێتێ بهێته راگرتن”.
دياركريه”ئه‌و برياره بۆ خۆلا ئێكێ كو دێ ل رۆژا 27/5/2018 ده‌ست پێكه‌ت وهه‌روه‌سا بۆ خۆلا دويێ كو دێ ل 11/9/2018 ده‌ست پێكه‌ت، ودێ ژ ده‌مژمێر 8 سپێدێ هه‌تا 11 سپێدێ هێته بجهئينان”.
