هێمن هه‌ورامى به‌حسێ هه‌لبژارتنێن به‌روه‌خت و كابينه‌كا نوو يا حوكمه‌تێ دكه‌ت
ئه‌ڤرۆ نيوز:
به‌رپرسێ په‌يوه‌نديێن ژ ده‌رڤه يێن پارتى ديموكراتى كوردستان راگه‌هاند كو پێدڤى بكه‌ت ڤه‌گه‌رنه رێكه‌فتنه‌كا نوو و پێدڤى بكه‌ت، دێ گورانكاريان د حوكمه‌تێ دا ئه‌نجام ده‌ن.
هێمن هه‌وارمى، به‌رپرسێ په‌يوه‌نديێن ژ ده‌رڤه يێن پارتى ديموكراتى كوردستان، د ديداره‌كا تايبه‌ت دا بۆ خه‌ندان گۆت: “ئه‌م بۆ هه‌موو ئه‌گه‌ران كو ئێكرێزيا كوردستانێ ب پارێزيت و كاودانێن سياسى ل هه‌رێمێ هێمن بكه‌ت د ئاماده‌ينه، دروستكرنا حوكمه‌تا نوو دكه‌ڤيته سه‌ر دانوستاندنێ ل گه‌ل لايه‌نان هه‌كه ڤه‌گه‌رينه رێكه‌فتنه‌كا نوو و پێدڤى ب كه‌ت گورانكاريان د حوكمه‌تێ دا بكه‌ين، دێ كه‌ين”.
زێده‌تر گۆت: “دبيت ل گه‌ل لايه‌نێن سياسى بگه‌هينه رێكه‌فتنێ ل جيهێ هه‌لبژارتن ل 21ى ئيلۆنا 2017ێ بهێنه ئه‌نجام دان ل 21ى ئيلۆنا 2016ێ بهێنه ئه‌نجام دان، ئانكو هه‌لبژارتنێن به‌روه‌خت بكه‌ين و په‌رله‌مان بهێته ژناڤبرن و حوكمه‌تا نوكه ژى ببيته حوكمه‌ته‌كا كاربڕێڤه‌به‌ر”.
