هێمن هه‌ورامى مزگينيه‌كا خۆش ل دۆر سه‌رۆك بارزانى راگه‌هاند
ئه‌ڤرۆ نيوز:
شيره‌تكاره‌كێ سياسى يێ مه‌سعود بارزانى رادگه‌هينيت كو بارزانى وه‌كو مه‌رجه‌عه‌كێ بلند و پێشمه‌رگێ مه‌يدانێ دێ د پرۆسه‌يا سياسى و به‌ره‌ڤانيكرن ژ كوردستانێ ب گه‌رمتر يێ به‌رده‌وام بيت.
هێمن هه‌ورامى، شيره‌تكارێ سياسى يێ مه‌سعود بارزانى سه‌رۆكێ هه‌رێما كوردستانێ د لاپه‌رێ خوه يێ تۆڕا جڤاكيا فه‌يسبۆكى دا ده‌رباره‌ى ب دووماهى هاتنا ماوێ مه‌سعود بارزانى وه‌كو سه‌رۆكێ هه‌رێما كوردستانێ نڤيسيه، “بارزانى دێ وه‌كو مه‌رجه‌عه‌كێ بلند و پێشمه‌رگێ مه‌يدانێ د پرۆسه‌يا سياسى و به‌ره‌ڤانى ژ ئاخا كوردستانێ گه‌رمتر به‌رده‌وام بيت”.
ئه‌ڤه د ده‌مه‌كى دايه كو ئێڤاريا ئه‌ڤرۆ جه‌عفه‌ر ئيبراهيم جێگرێ سه‌رۆكێ په‌رله‌مانێ كوردستانێ راگه‌هاند كو نامه‌ك ژ مه‌سعود بارزانى سه‌رۆكێ هه‌رێما كوردستانێ گه‌هشتيه ده‌ستێ وان و سوبه‌هى دێ د روونشتنا په‌رله‌مانێ كوردستانێ دا هێته خواندن.
