هێمن هه‌ورامى: پارتى ب فه‌رمى په‌یوه‌ندى ب گۆڕان كریه
ئه‌ڤرۆ نیوز:
هێمن هه‌ورامى راوێژكارێ سه‌رۆكێ هه‌رێما كوردستانێ دیاركر به‌رى دو رۆژان ب فه‌رمى پارتى دیموكراتى كوردستان په‌یوه‌ندیا راسته‌خو ب سه‌ركردایه‌تیا ته‌ڤگه‌را گۆڕان كریه بۆ وێ یه‌كێ روونشتنێن سیاسى د ناڤبه‌را هه‌ردو ئالیان دا بهێنه كرن داكو ل دووڤ رێككه‌فتنه‌كا نوو په‌رله‌مان بهێته كاراكرن كو د خزمه‌تا پرۆسا سیاسى دا هه‌رێما كوردستانێ بكه‌ت و به‌رسڤا گۆڕان یا ئه‌رێنى بوو و چ وه‌ختێ رازى گۆڕان رازى بیت دێ ل گه‌ل كۆم بین و گۆت” پارتى یا به‌رهه‌ڤه هه‌موو قوربانیان بده‌ت ب مه‌ره‌ما سه‌رخستنا پرۆسا ریفراندۆمێ”.
سه‌باره‌ت پرسا سه‌ره‌دانا شاندێ ئێكه‌تیا نیشتمیانیا كوردستانێ بۆ ئیرانێ، هه‌ورامى گۆت” ده‌مێ سه‌ره‌دانا شاندێ ئێكه‌تیێ بۆ ئیرانێ نه‌یا گونجایى یه و ب فه‌رمى مه ئه‌ڤ گازنده گه‌هاندیه ئێكه‌تیێ ژبه‌ر كو پێدڤیه كومیتا دبلوماسى یا سه‌ر ب لژنا ریفراندومێ، سه‌ره‌دانا لایه‌نان بكه‌ت و پشتى سه‌ره‌دانا به‌غدا كربا، بلانێ سه‌ره‌دانا ئیرانێ ژى كربا”.
