هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
مەكتەبا سیاسییا پارتی دیموكراتی كوردستان بەیاننامەیەك ل دۆر نڤیسارا وەزارەتا داراییا فیدرال سەبارەت نەهنارتنا مووچەیێن فەرمانبەرێن هەرێما كوردستانێ بەلاڤكر.
د بەیاننامەیا مەكتەبا سیاسییا پارتی دا هاتیە» رایا گشتییا ئیراقێ و هەرێما كوردستانێ ئاگەهدار دكەین كو حوكمەتا فیدرالی یا بەردەوامە ل سەر پنپێكرنا مافێن دستووری یێن هەرێما كوردستانێ، دوماهی پنپێكرنێ نڤیسارا وەزارەتا داراییە كو دژی دشتووری و بنەمایێن رێككەفتنا پێكئینانا حوكمەتێیە و سیاسیكرنا قووتێ خەلكییە».
مەكتەبا سیاسییا پارتی باس ل وێ چەندێ ژی كر» ئەڤ بابەتە ل كۆمبوونا داهاتی یا كۆمیتەیا ناڤەندییا پارتییا مە ل 2/6/2025 دێ ئێخینە بەر باس و بڕیار وەرگرتنێ و هەكە هەتا بەری جەژنا قۆربانی یا پیرۆز، ماف و شایستەیێن دارایی یێن خەلكێ هەرێما كوردستانێ نەهێنە هانرتن دێ مە هەلوەستێ جدی هەبیت و دێ راگەهینین».
