هەتا نوکە 537 ملیمێن بارانێ ل بەرواری بالا بارینە
ئەڤرۆ نیوز ، زنار تۆڤی:
ئەڤرۆ ئێکشەمبی رێژەکا باش یا بارانێ ل دەڤەرا بەرواری بالا باریە و ل چیایان ژی رێژەکا بەفرێ باریە و سەقایێ ڤێ دەڤەرێ گەلەک ساربوویە.
مستەفا ئەحمەد ژ هۆبا چاندنێ ل ناحیا کانی ماسێ بۆ ئەڤرۆ نیوز دیارکر:هەتا نوکە رێژا بارینا بەفر و بارانێ ل دەڤەرا بەرواری بالا نەگەهشتیە سالا بوری و پار هەتا ڤی دەمی ل ڤێ دەڤەرێ پتر باران و بەفر باری بوون،هەروەسا گوتیە:سالێن بەری نوکە هشکە سالی ل ڤێ دەڤەرێ هەبوو،هەروەسا هێشتا هشکە سالیا سالێن بەری نوکە نەهاتیە قەرەبوکرن،لێ هەکە ل کانی ماسێ،ئەڤ سالە رێژا باران بارینێ بگەهیتە 700 ملیمێن بارانێ،دێ ئەڤ ساله ژ هشکە سایێێ قورتال بیت،لێ دێ هەر یا بەرێ مینیت،چونکی ل ڤان سالێن دوماهیێ بەفر وەکی سالێن بەرێ نا باریت و ب تایبەتی ئەڤ سالە بەفر گەلەک کێم ل ڤێ دەڤەرێ هاتیە.
هەروەسا مستەفای گوتیە:هەتا نوکە ل دەڤەرا بەرواری بالا 537 ملیمێن بارانێ بارینە و دهێتە پێشبینیکرن کو ل ڤێ حەفتیێ پێلەکا دی یا باش یا بارانێ ب باریت،لێ ئەڤ سالە هێشتا ژێدەرێن ئاڤێ زێدەنەبووینە.
