هەشت هزار پارچەیێن ئەردی ل ئاكرێ دێ هێنە بەلاڤكـرن
رەمەزان زەكەریا:
ژ لایێ سەرۆكاتیا باژێرڤانیا ئاكرێ ڤە، كارێن لێدانا هێل و گەهاندنا خزمەتگوزارییان بۆ ئەو پارچەیێن ئەردی ل دەڤەرێن داوەجینان و قاچاغاڤا و سماقۆك و ڕەزۆك و سۆسنا هاتینە بەلاڤكرن دەست پێ كر.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «دیاركرنا سنۆر و لێدانا هێلان ل سەر پارچەیێن ئەردی قووناغەكا گەلەك گرنگە، دا كو وەلاتی ب ساناهی جهێن خۆ بنیاسن و پشتی ڤێ قووناغێ ئێكسەر تۆڕێن ئاڤ و كارەبێ بۆ ئاڤاكرنا خانیان دێ هێنە ڕاكێشان».
ناڤهاتی گۆت ژی: «هەتا نوكە د دو گەڕان دا سێ هزار پارچەیێن ئەردی ل سەر فەرمانبەر و پێشمەرگەیان هاتینە بەلاڤكرن، هەروەسا ب گشتی هەشت هزار پارچەیێن ئەردی دێ هێنە بەلاڤكرن، دهێتە چاڤەڕێكرن ل مەها 10 و 11 یێن ئەڤ سالە گەڕا سێیێ یا بەلاڤكرنا پارچەیێن ئەردی دەست پێ بكەت».
