هەڤپه‌یمانیا هێزێن عیراقی كاندیدێ خوە بۆ پۆستێ سه‌رۆكێ په‌رله‌مانی ده‌ست نیشانکر
ئەڤرۆ نیوز ، زنار تۆڤی:
هەڤپه‌یمانیا هێزێن عیراقی کو پشکەکن ژ میحوه‌رێ نیشتمانى (مالا سوننی) د كۆمبوونه‌کێدا، كاندیدێ خوە بۆ وه‌رگرتنا پۆستێ سه‌رۆكێ په‌رله‌مانێ عیراقێ دیاركر.
د به‌یاننامه‌کێدا ئه‌ڤرۆ دووشه‌مبی هاتیە بەلاڤکرن، هەڤپه‌یمانیا هێزێن عیراقی دبێژن، د کۆمبوونا ده‌سته‌یا گشتى یا هەڤپه‌یمانیێ دا، ب هەموو په‌رله‌مانتاران ڤە كو هژمارا وان 37 په‌رله‌مانتارن، بریاردایە کو په‌رله‌مانتار محه‌مه‌د حه‌لبوسى بۆ پۆستێ سه‌رۆكێ په‌رله‌مانی بۆ خولا چارێ کاندید بکەن.
گۆتیە ژی، هەڤپه‌یمانیا هێزێن عیراقی پالپشتیا په‌رله‌مانتار ئه‌ندازیار محه‌مه‌د حه‌لبوسى دکەن وه‌كو كاندیدێ هەڤپه‌یمانیا هێزێن عیراقی د ( چارچۆڤێ هەڤپه‌یمانیا میحوه‌رى یا نیشتمانى) بۆ پۆستێ سه‌رۆكێ په‌رله‌مانی.
ئاماژە ب هندێ ژی دایە، کو هژمارا په‌رله‌مانتارێن هەڤپه‌یمانیا میحوه‌رى یا نیشتمانى 53 په‌رله‌مانتارن، 37 په‌رله‌مانتار ژ وان سه‌ر ب هەڤپه‌یمانیا هێزێن عیراقی ڤەیە.
