هەڤپەیمانیا مەزن یا سوننی یان ژبەر ئێک چوو
ئەڤرۆ نیوز ، زنار تۆڤی :
ئەسیل نوجێفی سەركرە ل هەڤپەیمانیا بریارا عێراقێ راگەهاند ، كو هژمارەک ژ سەرانێن سوننی یێن عێراقێ مژۆلی گەندەلیێ نە و دووپاتكریە كو هژمارەک ژ كاندیدێن سەرکەفتی یێن هەڤپەیمانیا بریار ئەڤ هەڤپەیمانیە بجه هێلایە و چووینە پال هەڤپەیمانیەکا دیتر.
هەڤپەیمانیا عێراق هەویەتونا ب سەرۆكاتیا جەمال كەربوولی و پارتیا جەماوەریا نیشتیمانی ب سەرۆكاتیا ئەحمەد جبووری پێكئینانا هەڤپەیمانیا هێزێن عێراقی راگەهاند كو ژ 31 پەرلەمانتارێن عێراقی ب خوە ڤە دگریت.
نوجێفی ئەو ژی راگەهاندیە ، كو هژمارەک ژ كاندیدێن ڤێ جارێ یێن هەڤپەیمانیا وان ئەو هێلاینە و چووینە ناڤ بەرەیێ هەڤپەیمانیا عێراق هەویەتونا ب سەرۆكاتیا جەمال كەربوولی و ئاماژە كر ، کو ئەوان بۆ وێ مەبەستێ سۆزا دەستكەفتیان پێ دایە، بەلێ ئەوان ب ئێكجاری هەڤپەیمانیا قەرار بجه نەهێلایە، چونكی پشتی دەركەفتنا وان ژ كۆنگرێ راگەهاندنا هەڤپەیمانیا (عێراق هەویەتونا) دووبارە ل گەل ئوسامە نوجێفی كۆم بووینە و دووپات لێ كریە كو ئەو دێ مینن.
وی ژێدەری گوتیە ژی ، هەتا نوکە هەلویستێ وان پەرلەمانتاران یێ دیار نینە و ئێكلا نەبوویە و پێشبینا مانا وان دكەین و دووپات كریە ، كو دەرچوونا هژمارەکا كاندیدێن سەرکەفتی كار نا كەتە سەر هەڤپەیمانیا وان ، چونكی ئەو دێ بزاڤا ئێكخستن و هەڤپەیمانیكرنێ ل گەل بارستەیێ مەزنترین دەن بۆ پێكئینانا حوکمەتێ.
نوجێفی ئاماژە ب هندێ ژی دایە ، کو هژمارەک ژ سیاسەتڤانێن سوننی گەندەلی كریە و باسک و رێکەك كو شانازیێ پێ دكەن و پشتا خوە ب سەختەكاریێ د هەلبژارتنان بەستیە ، ئەوان پۆستێن خوە كرینە بازرگانی و ب پارە دكرن و ب ڤێ رێکێ پارە ب دەست دكەڤیت.
ئەو گوتنێن نوجێفی هەڤدەمن ل گەل وان بزاڤێن بەحس ل هەبوونا بزاڤێن پێكئینانا هەڤپەیمانیەکا مەزن یا سوننی یان دكەن ، ب رێیا هەڤپەیمانیكرنا سێ هێزێن سەرکەفتی یێن هەلبژارتنان کو ئەو ژی هەرئێك ژ هێزێن سەر ب جەمال كەربوولی و خەمیس خەنجەر و ئوسامە نوجێفی نە ، ب مەبەستا چوونە ناڤ گوتۆبێژێن پێكئینانا حوکمەتا نوو یا عێراقی.
