په‌رتوكخانا به‌درخانیان ب رێكا ئه‌لیكترونی ژمارێن سپاردنێ ده‌ته نڤیسه‌ران
ئه‌ڤرۆنیۆز، سالار دۆسكی:
رێڤه‌به‌رێ په‌رتۆكخانا به‌درخانیان ل پارێزگه‌ها دهۆكێ، بۆ مالپه‌رێ ئه‌ڤرۆ نیۆز ئاشكراكر كو ده‌ست ب دانا ژمارێن سپاردنێ هاتینه‌دان بۆ نڤیسه‌ران و هه‌تا نوكه پتر ژ (10) نڤیسه‌ران ژمارێن سپاردنێ وه‌رگرتینه.
ئسماعیل تاهر جانگیر، رێڤه‌به‌رێ په‌رتۆكخانا به‌درخانیان ل پارێزگه‌ها دهۆكێ بۆ ئه‌ڤرۆ نیۆز گۆت: پشتی ده‌ستبكاربوونا چاپخانان ل پارێزگه‌ها دهۆكێ ئاگه‌هداریا نڤیسه‌رێن به‌رێز دكه‌ین كو نوكه دشیاندایه ب رێكا ئه‌لیكترونی ژمارێن سپاردنێ بهێنه‌دان.
ئسماعیل تاهر جانگیر، رێڤه‌به‌رێ په‌رتۆكخانا به‌درخانیان ل پارێزگه‌ها دهۆكێ ئه‌و ژی گۆت: نڤیسه‌ر دانه‌یه‌كا په‌رتۆكا خو “PDF” بهنێریت، دانه‌كا ناسنامێ ئه‌لیكترونی بهنێریت، دده‌مه‌كێ كێمدا په‌رتۆكخانه دێ ژمارا فه‌رمییا سپاردنێ ده‌تێ، دگه‌ل دیاركرنا ناڤێ چاپخانێ وژمارا دانێن ژێ دهێنه چاپكرن.
ل دور هه‌لویستێ خوانده‌ڤان و نڤیسه‌ران ژی، رێڤه‌به‌رێ په‌رتوكخانێ گۆت: هه‌ڤال زۆر پێخۆش بووینه وهه‌تا نوكه مه (10 هه‌تا 12) ژمارێن سپاردنێ داینه.
