وه‌رگرتنا ناڤێن به‌ربژاران بۆ پەرلەمانێ کوردستانێ هاتە درێژ كرن
ئەڤرۆ نیوز ، زنار تۆڤی:
جڤاتا كۆمسیارێن هه‌رێما كوردستانێ وه‌رگرتنا ناڤێن به‌ربژاران بۆ هه‌لبژارتنێن په‌رله‌مانێ كوردستانێ هەتا رۆژا ئێكشه‌مبیا بهێت درێژكر.
ئه‌ڤرۆ چارشەمبی 25.7.2018 جڤاتا كۆمسیارێن هه‌رێما كوردستانێ كۆمبوونەک ئەنجامدا و د وێ کۆمبوونێدا وه‌رگرتنا ناڤێن به‌ربژاران بۆ هه‌لبژارتنێن په‌رله‌مانێ كوردستانێ هەتا رۆژا ئێكشه‌مبیا بهێت 29.7.2018 درێژكر.
هەروەسا هەتا نوکە 29 هه‌ڤپه‌یمانی و قه‌وارێن سیاسی ناڤێن خوه بۆ هه‌لبژارتنێن په‌رله‌مانێ كوردستانی تۆماركرینه، لێ هێشتا پتریا ئالیان ناڤێن به‌ربژارێن خوه راده‌ستی کۆمسیۆنێ نه‌كرینه.
كۆمسیۆنا هه‌رێما کوردستانێ دیار كریه ژی، هه‌ر ئالیه‌كێ هەتا رۆژا ئێكشه‌مبی ناڤێن به‌ربژارێن خوه پێشكێش نه‌كه‌ت، دێ ژ هه‌لبژارتنان بێ به‌هربیت.