وه‌زاره‌تا ئه‌وقافێ: ئه‌ڤرۆ دێ رۆژا ئێکێ یا جه‌ژنا ره‌مه‌زانێ هێته دیار كرن
ئەڤرۆ نیوز:
په‌یڤدارێ وه‌زاره‌تا ئه‌وقاف و كاروبارێن ئایینى یا حوکمه‌تا هه‌رێما كوردستانێ دیار کر: ئه‌ڤرۆ لژنا دیتنا هه‌یڤێ دێ كۆم بیت و دێ چاڤدێریا دیتنا هه‌یڤێ كه‌ت بۆ دیار كرنا رۆژا ئێکێ یاجه‌ژنا ره‌مه‌زانێ.
نه‌به‌ز ئیسماعیل په‌یڤدارێ وه‌زاره‌تا ئه‌وقاف و كاروبارێن ئاینى ئاشكرا كر ژی: ل ده‌مژمێر 7 ئێڤاریا ئه‌ڤرۆ ئەینیێ لژنا بلند یا دیتنا هه‌یڤێ ب مه‌ره‌ما دیاركرنا رۆژا ئێکێ یا جه‌ژنا ره‌مه‌زانا پیرۆز دێ كۆم بیت و دێ چاڤدێریا دیتنا هه‌یڤێ كه‌ت.
ناڤهاتی گوت ژى: هەکە ل ئێڤاریا ئه‌ڤرۆ هه‌یڤ هاته دیتن، سۆبه‌هى شه‌مبیێ دێ بیته رۆژا ئێکێ یا جه‌ژنا ره‌مه‌زانا پیرۆز، هەکە هەیڤ نەهاتە دیتن، رۆژا ئێكشه‌مبی دێ بیتە جه‌ژنا ره‌مه‌زانێ.
