وه‌زاره‌تا بازرگانيا عيراقێ رۆهنكرنه‌كێ ل دۆر پلێتا ئاهێن خوارنێ به‌لاڤ دكه‌ت
ئه‌ڤرۆنيوز:
وه‌زاره‌تا بازرگانيا عيراقێ، ئه‌ڤرۆ دوشه‌مبى 25/12/2017، راگه‌هاند، پلێتا نوو يا ئاهێن خوارنێ ب هه‌ر وه‌لاتيه‌كى ناهێته دان هه‌تا كارتا ده‌نگده‌رى نوو نه‌كه‌ت وتۆمارا بايۆمه‌ترى ئه‌نجام نه‌ده‌ت.
وه‌زاره‌تا بازرگانيا عيراقى دبه‌ياننامه‌كێ دا گۆت” ئه‌وا دهێته گۆتن كو وه‌لاتى دێ هێته بێ به‌هركرن ژ پلێتا ئاهين خوارنێ هه‌كه كارتا خوه يێ ده‌نگده‌رى نوو نه‌كه‌ت، چو راستى ژبۆ نينه”.
دياركر ژى” نه پێدانا پلێتا ئاهين خوارنێ بۆ هه‌ر وه‌لاتيه‌كى، هه‌تا كارتا خوه يا ده‌نگده‌رى نوو نه‌كه‌ت وخوه ل سيسته‌مێ بايۆمه‌ترى تۆمار نه‌كه‌ت، مه‌ره‌م ژى نووكرنا داتايێن پلێتا ئاهێن خوارنێ يه، ژبه‌ر هه‌بوونا هژماره‌كا مه‌زن يا وه‌لاتيان كو ژسالا 2014 ووێڤه تۆمارين خوه نوو نه‌كرينه، ب تايبه‌تى پشتى روودان وگوهۆرينێن ل عيراقێ په‌يدا بووين دده‌مێ سێ سالێن بۆرى دا پشتى كونترۆلا داعشێ بۆ چه‌ندين ده‌ڤه‌ران ل هژماره‌كا پارێزگه‌هێن عيراقێ”.
