وه‌زاره‌تا دارايى ل دۆر مووچێ كێم ئه‌ندامان برياره‌ك ده‌ركر
ئه‌ڤرۆ نیۆز، عه‌زیز هه‌ورامی:
پشتى دوهى چارشه‌مبى 11/7/2018 ئێكه‌تيا كێم ئه‌ندامان ژئه‌گه‌رێ گيروبوونا مووچێن كێم ئه‌ندامان، خوه‌نيشادان ئه‌نجامداى وكورسيێن كه‌م ئه‌نداميێ سوتين، وه‌زيرێ دارايى وئابوورى ل هه‌رێما كوردستانێ بريار دا ل گه‌ل مووچێ مامۆستايان مووچێ كێم ئه‌ندامان ژى بهێته به‌لاڤكرن ول هه‌يڤا داهاتى ژى دا كێم ئه‌ندامان د ليستا مووچان دا يێن ئێكێ بن، سكرتێرێ ئێكه‌تيا كێم ئه‌ندامان ژى ڤێ بريارێ ب پێنگاڤه‌كا باش دهه‌ژمێريت.
سامان حسێن، سكرتێرێ گشتيێ ئێكه‌تيا كێم ئه‌ندامان ل هه‌رێما كوردستانێ بۆ ئه‌ڤرۆنيوز گۆت” وه‌زيرێ دارايى رێباز حه‌ملان په‌يوه‌ندى ب مه‌كر وسۆز دامه كو ل گه‌ل به‌لاڤكرنا مووچێ مامۆستايان، مووچێ كێم ئه‌ندامان ژى بهێته به‌لاڤكرن، ديسا ل هه‌يڤا داهاتى مووچێ كێم ئه‌ندامان دليستا مووچان دا يێ ئێكێ بيت”.
كێم ئه‌ندامێن هه‌رێما كوردستانێ زێده‌تر ژ 90 هزار مۆچه‌خۆران دبن كو پشكه‌كا وان هه‌يڤانه ب پاشكه‌فتا مووچه‌ى ڤه 60 هزار ديناران وه‌ردگرن كو ئه‌ون يێن مووچه‌كێ دى ژى ژ حوكمه‌تێ هه‌ى، پشكه‌كا دى يا كێم ئه‌ندامان كو چو مووچه‌كێ دى نينه هه‌يڤانه120 هزار ديناران ژ حوكمه‌تێ وه‌ردگرن”.
