وه‌زاره‌تا ساخله‌میا عیراقێ 700 ئامیرێن هه‌ناسه‌دانا ده‌ستكرد ل سه‌ر پارێزگه‌هان پارڤه‌كرن
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند 700 ئامیرێن هه‌ناسه‌دانا ده‌ستكرد ره‌وانه‌یی فه‌رمانگه‌هێن ساخله‌مییێ ل به‌غدا و پارێزگه‌هێن دی كرینه.
د راگه‌هاندنا وه‌زاره‌تا ساخله‌میا عیراقی دا هاتیه، عه‌لی به‌داوی رێڤه‌به‌رێ گشتیێ كۆمپانیا كرین و فرۆتنا ده‌رمان و پێدڤیێن نوژداری راگه‌هاندیه كۆمپانیێ ده‌ست ب پارڤه‌كرنا 700 ئامیرێن هه‌ناسه‌دانا ده‌ستكرد ژ جورێ (CPAP) ب سه‌ر ته‌ڤایا فه‌رمانگه‌هێن ساخله‌میێ دا ل عیراقێ كریه.
د ئه‌وێ راگه‌هاندنێ دا هاتیه، پارڤه‌كرنا ئه‌وان ئامیران ب مه‌به‌ستا به‌رهنگاربوونا ڤایرۆسێ كورونایێ و بكارئینان وان بۆ توشبوویێن ڤایرۆسی، ئه‌ڤه‌ژی پشتی گه‌هشتنا 500 ئامیران ژ كۆمپانیه‌كا وه‌به‌رهێنانا فه‌ره‌نسی و 200 ئامیرێن دی یێن ژلایێ كۆمپانیه‌كا سویدی ڤه .
د راگه‌هاندنا وه‌زاره‌تا ساخله‌میا عیراقێ دا هاتیه، 50 ئامیرێن دی ژی یێن هه‌ناسه‌دانا ده‌ستكرد ژ جورێ VENTELATER هاتینه پارڤه‌كرن، كارێن وان به‌رده‌وامن ل سه‌ر دابینكرنا ئامیرێن نوژداری بۆ ته‌ڤایا فه‌رمانگه‌هێن ساخله‌میێ یێن سه‌ر ب وه‌زاره‌تێ.
