وه‌زاره‌تا كاره‌بێ ژڤانێ چاره‌سه‌ركرنا گرفتا ڤێ دووماهيێ يا كاره‌بێ ديار دكه‌ت
ئه‌ڤرۆنيوز:
وه‌زاره‌تا كاره‌بێ ل هه‌رێما كوردستانێ رۆهكرنه‌ك ل دۆر كێمبوونا كاره‌بێ ل رۆژێن بۆرى به‌لاڤكر وئاماژه ب ژڤانێ چاره‌سه‌ركرنا وێ كێشێ كر.
د رۆهنكرنا وه‌زاره‌تا كاره‌بێ دا هاتيه” ئاگه‌هداريا وه‌لاتيان دكه‌ين كو ژبه‌ر گرفته‌كا ته‌كنيكى ل بۆريا غازێ ( كۆرمۆر) وراوه‌ستانا هنارتنا غازا سروشتى بۆ ويستگه‌ها هه‌ولێرێ يا غازى، هه‌موو يه‌كه‌يێن ويستگه‌هێ راوه‌ستاينه وبه‌رهه‌مئينانا كاره‌بێ ب رێژا 900 ميگاواتان ل تۆرا كاره‌با نيشتمانى يا كێمبووى”.
وه‌زاره‌تا كاره‌بێ دياركر ژى” نوكه هه‌ردو وه‌زاره‌تێن كاره‌بێ وسامانێن سروشتى ل گه‌ل كۆمپانيا (دانا غاز) مژوولى چاره‌سه‌ركرنا وێ گرفتێ نه وچاڤه‌رێ دهێته كرن دده‌مێ 24 ده‌مژمێرێن داهاتى دا ره‌وش بهێته ئاساييكرن.
