وه‌زاره‌تا په‌روه‌ردێ دێ كۆنفرانسێ په‌روه‌ردێ ئه‌نجام ده‌ت
ئه‌ڤرۆ نيوز:
بڕياره وه‌زاره‌تا په‌روه‌ردێ ل حوكمه‌تا هه‌رێما كوردستانێ كۆنگرێ خوه يێ په‌روه‌رده‌يى ژ بوو ئه‌كتيفكرنا بابه‌تێن په‌روه‌رده‌يى ل سالا نوو گرێده‌ت.
نيوار ئه‌ترووشى ئاخفتنكه‌رێ ب ناڤێ په‌روه‌ردا رۆژهه‌لات ل دهۆكێ بۆ ئه‌ڤرۆ نيوز گۆت: “ئه‌م هاتينه ئاگه‌هداركرن كو وه‌زاره‌تا په‌روه‌ردێ ل حوكمه‌تا هه‌رێما كوردستانێ دێ كۆنفرانسه‌كێ په‌روه‌رده‌يى ل ده‌سپێكا سالا نوو گرێده‌ت”.
زێده‌تر گۆت: “ته‌وه‌رێن كۆنفرانسى دێ ل دۆر كارگێريا په‌روه‌رده‌يى، خواندنا ئه‌هلى، په‌رپه‌رشتيارێن په‌روه‌رده‌يى، تاقيكرنان، مه‌شقكرن و بلندكرنا ئاستى مرۆڤى و پيشه‌يى و ڤه‌كۆلينان بيت”.
ئاشكه‌را ژى كر كو پشتى لژنه بۆ هه‌موو ته‌وه‌ران هاتينه پێكئينان داخواز ژ هه‌موو مامۆستايان هاتيه كرن هه‌ر پێشنيازه‌ك يان بيروبۆچوونه‌ك هه‌بيت ئه‌وان ئاگه‌هدار كه‌ن ب رێيا په‌يچێ په‌روه‌ردێ ل سه‌ر تۆڕا جڤاكيا فه‌يسبۆكى يان ژى بۆ رێڤه‌به‌ريا په‌روه‌ردێ بهنێرن دا كو پتر مفا ژێ بهێته وه‌رگرتن ژ بوو پێشخستنا ئاستێ زانستى د وارێ په‌روه‌ردێ دا، هه‌ر وه‌كو نيوار ئه‌ترووشى دايه زانين.