وه‌زاره‌تا په‌روه‌ردێ رۆهنكرنه‌كێ به‌لاڤ دكه‌ت
ئه‌ڤرۆنيوز:
وه‌زاره‌تا په‌روه‌ردێ ل هه‌رێما كوردستانێ ئه‌ڤرۆ شه‌مبيێ 28/4/2018 رۆهنكرنه‌ك به‌لاڤكر وتێدا هاتيه ، ئه‌زموونێن پۆلێن نه‌دووماهيێ ل هه‌رێما كوردستانێ ده‌ستپێكرن كو زێده‌تر ژ مليۆنه‌ك و200 هزار قوتابى دده‌مێ 10 رۆژان دا دێ پشكداريێ تێدا كه‌ن.
هه‌روه‌سا وه‌زاره‌تا په‌روه‌ردێ ل هه‌رێمێ برياردايه بۆ ئه‌ڤ ساله وه‌كو سالێن به‌رێ، ئه‌زموونێن وه‌زارى ونيشتمانى يێن رێزێن 12 ئاماده‌يى ونه‌هێ بنه‌ره‌تى ل ده‌مێ خوه بهێنه ئه‌نجامدان ئانكو ئه‌زموونێن وه‌زارى يێن هه‌ردو پشكێن وێژه‌يى وزانستى يێن رێزا 12 ئاماده‌يى ل 27/5/2018 ده‌ستپێ بكه‌ن ول 13/6/2018 ب دووماهى بهێن كو زێده‌تر ژ 120 هزار قوتابيان ژهه‌ر سێ پشكێن وێژه‌يى وزانستى وپيشه‌يى دێ پشكداريێ تێدا كه‌ن.
به‌حس ل وێ چه‌ندێ ژى هاته كرن كو ئه‌زموونا نيشتمانى يا رێزا نه‌هێ بنه‌ره‌تى دێ ل 28/5/2018 ده‌ستپێكه‌ت وبه‌رى ئه‌زموونێن رێزا 12 دێ ب دووماهى هێت ونێزيكى 130 هزار قوتابى دێ تێدا پشكدار بن.
