وه‌زاره‌تا پێشمه‌رگه‌ى:چو رێككه‌فتن ل گه‌ل له‌شكرێ عيراقێ نه‌هاتينه كرن
ئه‌ڤرۆنيوز:
پشتى به‌لاڤبوونا ده‌نگوباسه‌كى ل دۆر رێككه‌فتنه‌كێ دناڤبه‌را هێزێن پێشمه‌رگه‌ى وله‌شكرێ عيراقێ بۆ ڤه‌كێشانا پێشمه‌رگه‌ى ژسنورێ گوێر، ژلايێ ده‌زگه‌هێن راگه‌هاندنێ يێن عيراقى، وه‌زاره‌تا پێشمه‌رگه ره‌ت دكه‌ت چو رێككه‌فتن ل گه‌ل له‌شكرێ عيراقێ ئه‌نجام دابن.
هه‌لگورد حكمه‌ت، رێڤه‌به‌رێ راگه‌هاندنێ وره‌وشه‌نبيرى ل وه‌زاره‌تا پێشمه‌رگه‌ى، ئه‌ڤرۆ شه‌مبيێ 16/12/2017، دداخۆيانيه‌كا رۆژنامه‌ڤانى دا گۆت” ل هژماره‌كا ده‌زگه‌هێن راگه‌هاندنێ هاتيه به‌لاڤكرن كو هێزێن عيراقێ وپێشمه‌رگه يێن رێككه‌فتين ل سه‌ر ڤه‌كێشانا پێشمه‌رگه‌ى ژسنورىێ ميحوه‌رێ گوێر”.
هه‌لگوردى گۆت ژى” ئه‌ڤ ده‌نگوباسه يێ دووره ژ راستيێ وچو رێككه‌فتن ل سه‌ر وێ چه‌ندێ نه‌هاتينه كرن”.
ل هه‌يڤا ته‌باخا 2016، هێزێن پێشمه‌رگه‌ى شيابوون سنورێ گوێر ب تمامى ژده‌ستێ داعشێ ئازادبكه‌ن، پاشى وه‌كو ده‌رگه‌هه‌ك بۆ ئازادكرنا باژێرێ مووسلێ هاته بكارئينان، پشكه‌ك ژسنورێ وێ ده‌ڤه‌رێ دكه‌ڤيته دسنورێ مادا 140 وپشكه‌ك ژێ ل سالا 1991 وه‌كو هێلا 36 بۆ هه‌رێما كوردستانێ هاتبوو دياركرن.
