وه‌زاره‌تا پێشمه‌رگه‌ى به‌رسڤا فه‌رمانده‌یا ئوپه‌راسیوونا هه‌ڤپشكا عیراقێ دا
ئه‌ڤرۆ نیوز ، هلۆرى:
وه‌زاره‌تا پێشمه‌رگه‌ى د راگه‌هاندنه‌كێ دا به‌رسڤا فه‌رمانده‌یا ئوپه‌راسیوونا هه‌ڤپشكا عیراقێ دا و دیاركر كو فه‌رمانده‌یا هه‌ڤپشك ، راگه‌هاندنه‌كا دویر ژ راستیێ به‌لاڤكریه و بتنێ پروپاكندێن رێكه‌فتنا ل گه‌ل شاندێ هه‌رێما كوردستانێ كریه بو دانوستاندنان و هێزێن پێشمه‌رگه‌ى بو به‌ره‌ڤانیكرن ل ئاخ و ژیان و كه‌رامه‌تا خه‌لكێ كوردستانێ د سه‌نگه‌رێن به‌ره‌ڤانیێ دایه ،
هه‌ڤده‌م دوپات ژى كر كو تاكه رێیا چاره‌سه‌ركرنا ئاریشه‌یێن هه‌رێم و به‌غدا دانوستاندنه. ل گوره‌ى راگه‌هاندنا وه‌زاره‌تا پێشمه‌رگه‌ى ، ئه‌وا كو دهێته به‌حسكرن رێكه‌فتن نینه به‌لكو بتنێ نامه‌یه‌كه ژلایێ فه‌رمانده‌یا ئوپه‌راسیونێن هه‌ڤشك ، وه‌كو به‌رسڤه‌ك بو ده‌ستپێشخه‌ریا هه‌رێما كوردستانێ بو راگه‌هاندنا ئاگربه‌ستێ هاتیه ره‌وانه‌كرن ، داكو ده‌ست ب دانوستاندنێ سیاسیێن جدى بهێـه‌كرن.
د راگه‌هاندنا وه‌زاره‌تا پێشمه‌رگه‌ى هاتیه ژى كو ئێك ژ ته‌وه‌رێن نامه‌یێ فه‌رمانده‌یا ئوپه‌راسیونێن هه‌ڤشك ، پێكدهێت ژ سه‌نگه‌رێن نه ده‌ستوورى كو ب سه‌ر هێزا پێشمه‌رگه‌ى و گه‌لێ كوردستانێ هاتیه سه‌پاندن ، و وه‌زاره‌تا پێشمه‌رگه‌ى ئاماژه ب وێ یه‌كێ ژى كر به‌رسڤا فه‌رمانده‌یا ئوپه‌راسیونێن هه‌ڤشك دفن بلندى و غرورى پێڤه دیاره و داخوازیێن نه ده‌ستوورى و نه واقعى بخوڤه گرتینه ، كو مه‌ترسێ دئێخیته سه‌ر هه‌رێما كوردستانێ و وه‌لاتیان و هه‌ڤده‌م تومه‌تێن نه ره‌وا و بێ بنه‌ما ژى ل دژى هێزێن پێشمه‌رگێن قاره‌مان هه‌لپه‌ساردینه.
د پشكه‌كا دن یا راگه‌هاندنا وه‌زاره‌تا پێشمه‌رگه‌ى دا هاتیه: ( هێزا ده‌ستدرێژیكرا حه‌شد شه‌عبى و سوپایێ عیراقێ ، به‌روڤاژى ده‌ستوور ، كو نابیت هێزا سه‌ربازى بو ئاریشه‌یێن نافخوه بهێته بكارئینان ، ب رێیا توپ و موشه‌ك و كه‌لوپه‌لێن سه‌ربازى و كو ژلایێ ئه‌مریكا هاتینه چێكرن و بزاڤێن پێشره‌ویان دكه‌ن ، هێزێن پێشمه‌رگێن قاره‌مان ، دپێگه‌هێ سه‌نگه‌رێن به‌ره‌ڤانیێ ژ به‌ره‌ڤانیكرنا كه‌رامه‌ت و ئیراده و مولك و مال و شه‌رف و گیانێ ملیونان نفشێ گه‌لێ كوردستانێ دكه‌ت ، داكو ئێدى توشى چاره‌نڤیسێن ره‌ش نه‌بن كو نها وه‌لاتیێن دوزخورماتو و داقووق و كه‌ركوك و ده‌ڤه‌رێن دن تێدا دنالن ، ئه‌ڤ یه‌ك ژى د ده‌مه‌كێ دایه كو حكومه‌تا هه‌رێما كوردستانێ داخوازا دانوستاندنێن سیاسى دكه‌ت بو چاره‌سه‌ركرنا ئاریشه‌یان)
وه‌زاره‌تا پێشمه‌رگه‌ى دوپات ژى كر كو زێده‌بارى ره‌تكرن و ئیدانه‌كرنا ته‌مام یا ناڤه‌روكا راگه‌هاندنا فه‌رمانده‌یا ئوپه‌رسیوونا هه‌ڤشك ، دوپات ژى دكه‌ین كو هێزێن هه‌رێما كوردستانێ ل سه‌نگه‌رێن به‌ره‌ڤانیا مانه‌ڤێ بێى دودلى به‌ره‌ڤانیێ ل ژیان و به‌ژه‌وه‌ندیێن ره‌وا و ده‌ستووریێن گه‌لێ كوردستانێ دكه‌ت ،
جاره‌ك دن دوپات دكه‌ین كو تنێ رێك بو چاره‌سه‌ركرنا ئاریشه‌یێن سیاسى دانوستاندنن نه‌ك زمانێ هه‌ره‌شه و فشار و در) ل داویێ گوت: ( هه‌ر وه‌لاته‌ك ل هه‌ر جهه‌كێ دنیایێ ، هێرشكه‌ر ب سته‌مكار و به‌ره‌رڤانكه‌ر ژى ب سته‌ملێكرى دهێته‌دانان
