وه‌زاره‌تا پێشمه‌رگه‌ى: به‌غدا چو پاره بۆ پێشمه‌رگه‌ى ره‌وانه نه‌كريه
ئه‌ڤرۆ نيوز:
ئه‌ميندارێ گشتيێ وه‌زاره‌تا پێشمه‌رگه‌ى راگه‌هاند كو چو پاره ژ به‌غدا بۆ وه‌زاره‌تا پێشمه‌رگه‌ى نه‌هاتيه.
رۆژا ئێكشه‌مبى 6ى چريا دويێ 2016 جه‌بار ياوه‌ر ئه‌ميندارێ گشتيێ وه‌زاره‌تا پێشمه‌رگه‌ى بۆ رووداو راگه‌هاند: “نه ب نڤيسار و نه ژى ب ده‌ست، چو پاره ژ به‌غدا بۆ وه‌زاره‌تا پێشمه‌رگه‌ى نه‌هاتيه و ئه‌ڤا گۆتى ب تنێ ده‌نگۆيه”.
ئه‌ميندارێ گشتى يێ وه‌زاره‌تا پێشمه‌رگه‌ى گۆت: “ل گه‌ل وه‌زاره‌تا دارايى يا حوكمه‌تا هه‌رێما كوردستانێ ئاخفتيمه و ئه‌وان ژى ره‌تكريه كو چو پاره ژ به‌غدا بۆ پێشمه‌رگه‌ى هاتبيت”.
پێشتر فازل نه‌بى، بريكارێ وه‌زاره‌تا دارايا عيراقێ بۆ رووداو راگه‌هاند بوو كو وه‌زاره‌تا دارايى كۆژمێ 10 مليار ديناران بۆ وه‌زاره‌تا پێشمه‌رگه‌ى ره‌وانه‌كريه.
