وه‌زاره‌تا پێشمه‌رگه‌ى و هه‌ڤپه‌يمان يێ د كۆمبوونێ دا
ئه‌ڤرۆ نيوز:
ب گۆره‌ى ئه‌و پێزانينێن ب ده‌ست ئه‌ڤرۆ نيوز كه‌فتين، به‌رپرسێن وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ ل باژێرێ هه‌ولێرێ ل گه‌ل هه‌ڤپه‌يمانان يێ د كۆمبوونێ دا.
پشتى چه‌ندين رۆژان ژ گه‌فێن ل دووڤ ئێك، سپێده‌هيا رۆژا دو شه‌مبى 16ى چريا ئێكێ 2016 سۆپايێ عيراقێ و حه‌شدا شه‌عبى ل باشوورێ كه‌ركووك و خورماتۆ ژ چه‌ندين به‌ره‌يان ڤه هێرش كره سه‌ر پێشمه‌رگه‌ى، پشكه‌ك ژ هێزێن پێشمه‌رگه‌ى ژى ل وێ ده‌ڤه‌رێ خوه ڤه‌كێشا.
سه‌يد هه‌ژار، جێگرێ فه‌رماندا پێشمه‌رگێ زێره‌ڤانى بۆ رووداو راگه‌هاند كو سپێده‌هيا ئه‌ڤرۆ رۆژا دوشه‌مبى 16ى چريا ئێكێ 2017ێ زێده‌تر ژ دو ليوايێن پێشمه‌رگه‌ى “سۆپايێ چار و پێنج يێ پێشمه‌رگه‌ى و هنده‌ك ژ سۆپايێ ئێك و دو و سێ يێ پێشمه‌رگێ زێره‌ڤانى” ب هه‌موو پێدڤى ڤه هاتنه ره‌وانه‌كرن بۆ كه‌ركووك.
سه‌يد هه‌ژار گۆتژى: “هه‌موو ئه‌و هێزێن چووين، هه‌موو پێدڤيێن له‌شكرى و يێن يه‌ده‌گ ژى ل گه‌ل هه‌نه و هێزێن ده‌ڤه‌رێن دژى يێن ل جهێ خوه”.
