وه‌زاره‌تا پێشمه‌رگه وهه‌ڤپه‌يمانيا نێڤده‌وله‌تى كۆمبوون
ئه‌ڤرۆنيوز:
كۆمبوونه‌كا ئاسايى يا هه‌ڤپه‌يمانيا دژى داعشێ ب سه‌رپه‌رشتيا كه‌ريم شنگالى وه‌زيرێ پێشمه‌رگه ب وه‌كاله‌ت وب به‌رهه‌ڤبوونا چه‌ندين به‌رپرسێن وه‌زاره‌تا پێشمه‌رگه ونوونه‌ري هه‌ڤپه‌يمانيێ، ئه‌ڤرۆ دوشه‌مبى 12/11/2018 ل هه‌ولێرێ هاته ئه‌نجامدان.
دكۆمبوونێ دا چه‌ندين راپۆرت هاتن ڤه‌خواندن وتێدا به‌حسێ روودانێن چه‌ند رۆژێن بۆرى ل ده‌ڤه‌رێن جودا جودا يێن عيراقێ هاته كرن.
ب گۆره‌ى وان راپۆرتان، ل دووڤ مالپه‌رێ كوردستان تى ڤى، لڤينێن تيرۆرستێن داعشێ جاره‌كا دى ده‌ستپێكرينه ودئه‌نجامێ كريارێن تيرۆرستى دا ب ده‌هان كه‌س ژ خه‌لكێ سڤيل هاتينه كوشتن وبرينداركرن، ئه‌ڤ چه‌نده ژى بوويه ئه‌گه‌رێ دروستبوونا نه ته‌ناهيێ وپرس وگرفاريات بۆ خه‌لكێ وان ده‌ڤه‌ران وپرۆسا دوباره ئاڤه‌دانكرنا ده‌ڤه‌رێن وێرانكرى يێن عيراقێ.
هه‌روه‌سا دوێ كۆمبوونێ دا پرسا هه‌ڤكاريێ دناڤبه‌را هێزا پێشمه‌رگه‌ى وله‌شكرێ عيراقێ ب ئارمانجا سنورداركرنا اڤينێن داعشێ ودروستكرنا ره‌وشه‌كا باش بۆ ڤه‌گه‌راندنا ئاواران بۆ ده‌ڤه‌رێن وان.