وه‌زاره‌تا چاندنا عيراقێ:گوشت نه‌خوه‌شيا تايا خوين به‌ربوونێ نا ڤه‌گۆهێزيت
ئه‌ڤرۆنيوز:
وه‌زاره‌تا چاندنا عيراقێ، ئه‌ڤرۆ سێشه‌مبى 3/7/2018 راگه‌هاند گوشتى چو په‌يوه‌ندى ب ڤه‌گۆهاستنا نه‌خوه‌شيا تايا خوين به‌ربوونێ ڤه نينه وئاماژه دا كو ڤايرۆسێ وێ نه‌خوه‌شيێ يێ كونترۆلكريه.
وه‌زاره‌تا چاندنا عيراقێ دبه‌ياننامه‌كێ دا به‌لاڤكر” چو په‌يوه‌نديا گوشتى ب به‌لاڤبوونا نه‌خوه‌شيا تايا خوين به‌ربوونێ ڤه نينه وگوشت وێ نه‌خوه‌شيێ ڤه‌ناگوهێزيت وتووشبوون ب وێ نه‌خوه‌شيێ ژى ب رێيا خوارنا گوشتى ناهێت”.
دياركر ژى” ئه‌و گوتگوتكێن دهينه به‌لاڤكرن ل دۆر په‌يوه‌نديا گوشتى ب وێ نه‌خوه‌شيێ ڤه، چو راستى بۆ نينه وتنێ شێوه‌كێ شه‌رى يه ل بازارێ وپێدڤيه وه‌لاتى گوهێ خوه نه‌ده‌نه ڤان جۆره گوتگوتكان”.
وه‌زاره‌تا ناڤبرى داخواز ژ وه‌لاتيان وده‌زگه‌هێن راگه‌هاندنێ كر كو دهوور بين دڤه‌كۆهاستنا ده‌نگوباسان دا وپێدڤيه ئه‌و ده‌نگوباس ژ ژێده‌رێن باوه‌رپێكرى بهێنه ڤه‌گۆهاستن.
