وه‌زاره‌تا ژ ده‌رڤه بالوێزێ توركيا ل عيراقێ گازى كر
ئه‌ڤرۆ نيوز:
عيراقێ ل سه‌ر هێرشێت توركيا بۆ سه‌ر چيايێن شنگال و قه‌ره‌چۆغ هاته ده‌نگ و وه‌زاره‌تا ده‌رڤه ژى بالوێزێ توركيا ل به‌غدا گازى كر.
ب گۆره‌ى راگه‌هاندنه‌كا وه‌زاره‌تا ده‌رڤه يا عيراقێ، فاتح يه‌لدز، بالوێزێ توركيا ل به‌غدا گازى كريه و سه‌باره‌ت ب هێرشێن سوپايێ وى وه‌لاتى ل دژى په‌كه‌كێ ل ناڤ ئاخا عيراقێ، په‌يامه‌كا نه‌رازيێ پێدايه.
هه‌ر ب گۆره‌يى وێ راگه‌هاندنا وه‌زاره‌تا ژ ده‌رڤه عيراقێ ئيدانا هێرشێن وه‌لاتێ توركيا بۆ سه‌ر چايێن شنگال و قه‌ره‌چوغ كريه.
وه‌زاره‌تا ده‌رڤه يا عيراقێ د راگه‌هاندنه‌كێ دا، ئه‌و هێرش ب بنپێكرنا سه‌روه‌ريا ئاخا عيراقێ و سلامه‌تى و سه‌قامگێريا وه‌لاتيان وه‌سفكر و ئه‌و كريا ره‌تكرن.
هه‌ر ب گۆره‌ى راگه‌هاندنێ، عيراق ره‌ت دكه‌ت، ئاخا وێ بكه‌نه بنگه‌هـ و رێ بۆ چو هێزه‌كێ و بۆ هێرشكرنا سه‌ر هه‌ڤسۆيان بكاربينن.
هه‌ر د ڤێ راگه‌هاندنێ دا وه‌زاره‌تا ژ ده‌ڤه‌ر يا عيراقێ دا داخوازێ ژ توركيا دكه‌ت گرێداى وێ په‌يوه‌نديا هه‌ڤالينى يا هه‌ردو وه‌لاتان بيت.