وه‌زيرێن ده‌رڤه يێن عيراقێ وتوركيا كۆمبوون
ئه‌ڤرۆنيوز:
دسه‌ره‌دانه‌كێ دا بۆ توركيا، ئيبراهيم جه‌عفه‌رى وه‌زيرێ ده‌رڤه‌يێ عيراقێ به‌رى ده‌مه‌كێ كێم ل گه‌ل مه‌ولود چاوش ئوگلۆ وه‌زيرێ ده‌رڤه‌يێ توركيا كۆمبوو.
وه‌زيرێ ده‌رڤه‌يێ توركيا ب رۆژنامه‌ڤانان راگه‌هاند، ئيبراهيم جه‌عفه‌رى وه‌زيرێ ده‌رڤه‌يێ عيراقێ ب مه‌ره‌ما پشكداريكرنێ دلژنا هه‌ڤپشك يا ئابوورى دناڤبه‌را هه‌ردو وه‌لاتان دا سه‌ره‌دانا توركيا كريه.
گۆت ژى” به‌رده‌وام ل گه‌ل ئيبراهيم جه‌عفه‌رى دا ب ته‌له‌فۆنێ دئاخڤين ودكۆمبوونێن نێڤده‌وله‌تى دا ئه‌م هه‌ڤدو دبينين، ژبلى وێ چه‌ندێ زوو سه‌ره‌دانا هه‌ڤدو دكه‌ين ب نهێنى وب فه‌رمى ژى”.
زێده‌تر گۆت” دوان كۆمبوونان دا په‌يوه‌نديێن دو قۆلى وبابه‌تێن ده‌ڤه‌رێ وره‌وشا نوكه يا عيراقێ به‌حس دكه‌ين وسه‌ره‌دانا جه‌عفه‌رى دده‌مێ خوه‌دايه وبۆمه گرنگيا خوه يا هه‌ى”.
ژلايێ خوه‌ڤه ئيبراهيم جه‌عفه‌رى، وه‌زيرێ ده‌رڤه‌يێ عيراقێ هيڤى خواست دوان كۆمبوونێن دهێنه ئه‌نجامدان ئاسته‌نگێن به‌رده‌م په‌يوه‌نديێن دو قۆلى نه‌مينن.
25
وشە – محەمەد میران