وه‌زيرێن دێ ل جهێ يێن گۆڕان هێنه دانان هاتنه ئاشكه‌را كرن
ئه‌ڤرۆ نيوز:
ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو سه‌رۆكێ جڤاتا وه‌زيران نێچيرڤان بارزانى گازى وه‌زيرێن بزاڤا گۆڕان كريه و ب فه‌رمى داخواز ژێ كريه كو پۆستێن خوه ب جهـ بهێلن.
سه‌فين دزه‌يى بۆ رويترز گۆت: “بۆ پاراستنا ڤان كاودانێ، نوكه هه‌ين، سه‌رۆكێ جڤاتا وه‌زيران وه‌زيرێن گۆڕان ژ پۆستێن وان دوورخستينه”.
بزاڤا گۆڕان د كابينا هه‌شتێ دا، پۆستێن وه‌زاره‌تا پێشمه‌رگه و دارايى و بازرگانى و ئه‌وقافێ هه‌بوون.
ده‌رباره‌يى وێ چه‌ندێ كا كى دێ چيته جهێ وان، ئاخفتنكه‌رێ ب ناڤێ حوكمه‌تا هه‌رێما كوردستانێ ئاشكه‌را كريه كو وه‌زيرێن نوكه يێن كابينا هه‌شتێ دێ ب ره‌نگه‌كێ ده‌مكى جهێ وان گرن.
