وه‌زيرێ به‌ره‌ڤانيا ئه‌مريكا گه‌هشته هه‌ولێر
ئه‌ڤرۆ نيوز:
نوكه وه‌زيرێ به‌ره‌ڤانيا ئه‌مريكا و شانده‌كێ ل گه‌ل گه‌هشتنه فرۆكخاتا هه‌ولێر ل هه‌ولێرا پايته‌ختێ هه‌رێما كوردستانێ.
ئاشتۆن كارته‌ر، وه‌زيرێ به‌ره‌ڤانيا ئه‌مريكا و شانده‌كێ ل گه‌ل دا ب فرۆكه‌كا شه‌ركه‌ر يا مه‌زن گه‌هشتنه هه‌ولێرا پايته‌ختێ هه‌رێما كوردستانێ كو دبيته سه‌ره‌دانا وى يا دويێ بۆ هه‌ولێرێ.
ب گۆره‌يى پێزانينێن ل به‌رده‌ست ئاشتۆن كارته‌ر يێ وه‌زيرێ به‌ره‌ڤانيێ د ناڤ ئێدارا ئۆباماى دا ژ كه‌سانێن نێزيكى كوردايه.
ئاشتۆن كارته‌ر ل فرۆكخانا هه‌ولێر ژ لايێ قوباد ته‌له‌بانى جێگرێ سه‌رۆكێ حوكمه‌تا هه‌رێما كوردستانێ و چه‌ندين به‌رپرسێن دى يێن حكۆمى كۆم بوو.
بڕياره ئاشتۆن كارته‌ر هه‌ر ئه‌ڤرۆ دووماهيێ ب سه‌ره‌دانا خوه بينيت، دێ پشتى نيڤرۆ ژى ل گه‌ل سه‌رۆكێ هه‌رێما كوردستانێ و به‌رپرسێن حكومى كۆم بيت.
ب گۆره‌يى پێشبينيا و وه‌كو ده‌زگه‌هێن راگه‌هاندێ ژى به‌حس ل وێ چه‌ندێ كرى دێ پرسا هاتنا له‌شكرێ توركيا بۆ نێزيك مووسل ل باشيكێ و چاوانيا روو ب رووبوونا داعش و رۆلێ رۆسيا ل ده‌ڤه‌رێ و ئاوان ب له‌زتر داعش ژ ناڤ ببه‌ت.
