وه‌زيرێ خواندنا بلند: هه‌موو زانكۆيێن هه‌رێمێ يێ د رێزبه‌نديا زانكۆيێن جيهانى دا
ئه‌ڤرۆ نيوز، نيوار محه‌مه‌د سه‌ليم:
وه‌زيرێ خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ راگه‌هاند كو به‌رى نوكه پتريا زانكۆيێن هه‌رێما كوردستانێ د رێزبه‌نديا جيهانى دا نه‌بوون، به‌لێ نوكه هه‌موو زانكۆيێن هه‌رێما كوردستانێ يێن د ناڤ رێزبه‌نديا جيهانى دا و نوكه هه‌ڤركيا زانكۆيێن جيهانى دكه‌ن بۆ ئاماده‌كرنا بازارا كارى.
ئه‌ڤ گۆتنێن د. يوسف گۆران وه‌زيرێ خواندنا بلند و ڤه‌كۆلينێن زانستى د چارچۆڤێ پشكداريا وى دا هات، د هه‌شته‌مين خولا ده‌رچوويێن زانكۆيا ئيشق كو ئێڤاريا رۆژا دوشه‌مبى رێكه‌فتى 25ى خزيرانا 2018ێ ب ئاماده‌بوونا پارێزگارێ هه‌ولێر و سه‌رۆكێ زانكۆيا ئيشق و ژماره‌كا به‌رپرسێن حكومى و حزبى و قوتابى و كه‌سوكارێن وان ب رێڤه چوو.
د. يوسف گۆران گۆت: “پێدڤيه زانكۆ ب خوه بهێنه ناڤ هه‌ڤركيا زانستێن جيهانى، هه‌كه زانكۆ نه‌هێن ئه‌و ب خوه دێ كه‌ڤنه ناڤ سيسته‌مى و ب ڤێ چه‌ندێ ژى دێ ل رێزبه‌نديێن دووماهيێ بن و ناكه‌ڤنه ناڤ رێزبه‌نديێن ب مفا”.
زێده‌تر گۆت: “پێشتر پتريا زانكۆيێن هه‌رێما كوردستانێ د رێزبه‌نديا جيهانى دا نه‌بوون، نوكه هه‌موو زانكۆيێن كوردستانێ د ناڤ رێزبه‌نديا زانكۆيێن جيهانى دانه”.
وه‌زيرێ خواندنا بلند دا زانين ژى كو نوكه هه‌ڤركيا زانكۆيێن جيهانێ ل سه‌ر دابينكرنا ئايندێ قوتابيانه بۆ ئاماده‌كرنا وان د بازارێ كارى دا.
