وه‌زيرێ دادێ ئه‌مريكا ده‌ست ژ كار كێشا
ئه‌ڤرۆ نيوز:
جێف سنيشنس، وه‌زيرێ داد يێ ئه‌مريكا راگه‌هاند كو وى ل سه‌ر داخوازا دۆنالد تره‌مپ، سه‌رۆكێ ئه‌مريكا ده‌ست ژ كار كێشا.
جيف سنيشنس، وه‌زيرێ داد يێ ئه‌مريكا د ناما ده‌ست ژ كاركێشانێ دا دبێژيت: “به‌رێز سه‌رۆك، ل سه‌ر داخوازا هه‌وه‌يێن به‌رێز من ده‌ست ژ كاركێشانا خوه پێش كێش كر. هه‌ڤده‌م گه‌له‌ك سۆپاسيا هه‌وه دكه‌م كو هه‌وه ئه‌و ده‌ليڤه دايه من”.
سنيشنس د ناما خوه ته‌كست ل سه‌ر وێ چه‌ندێ كريه كو د وى ماوێ كارى كرى دا، ب حه‌ز ئه‌ركێن خوه ب جهـ ئيناينه و هه‌روه‌سا سۆپاسيا ته‌ماما هاريكاريا وان ژى كر ل وه‌زاره‌تا داد”.
هه‌ڤده‌م دۆنالد تره‌مپ د تويته‌كى نڤيسيه: “سۆپاسيا وه‌زيرێ داد جێڤ سنيشنس دكه‌م بۆ بجهئينانا ئه‌كرێن خوه، نيه‌ت پاقژيا خوه بۆ مه دياركر، دێ كه‌سه‌كى ده‌ست نيشان كه‌م ل جهێ ناڤبرى”.
تره‌مپ هه‌روه‌سان دبێژيت: “ب ره‌نگه‌كێ ده‌مكى دێ رێڤه‌به‌رێ قه‌له‌مێ تايبه‌ت يێ وه‌زاره‌تا داد ماتيۆ گى، وه‌كو وه‌زيرێ داد ده‌ست ب كار بيت”.