وه‌زيرێ دارايى و كه‌سێ دويێ يێ داعش هاتنه كوشتن
ئه‌ڤرۆ نيوز:
ئاشتن كارته‌ر، وه‌زيرێ به‌ره‌ڤانيا ئه‌مريكا و جه‌نرال جۆ دانفۆر سه‌رۆكێ ئه‌ركانێ هه‌ڤپشكێن سۆپايێ ئه‌مريكا د كۆنگره‌كێ رۆژنامه‌ڤانى دا راگه‌هاند كو وه‌زيرێ داراى يێ داعش هاته كوشتن.
هه‌ر ب گۆره‌ى نوچه‌كێ ئاژانسا هه‌والى يا NBC د هێرشێن ئه‌سمانى يێن 24 ده‌مژمێرێن بۆرى يێن فرۆكێن ئه‌مريكا دا بۆ سه‌ر بنگه‌هـ و باره‌گايێن داعش ل سوريا كه‌سێ دويێ يێ رێكخراوا داعش هاتيه كوشتن.
ژێده‌ره‌كى ژ وه‌زاره‌تا به‌ره‌ڤانيا ئه‌مريكا راگه‌هانديه كو فرۆكێن ئه‌مريكا شياينه حاجى ئيمام كه‌سێ دويێ يێ ناڤ رێكخراوا تيرۆرستى يا داعش بكه‌نه ئامانج و كوشتيه.
حاجى ئيمام نازناڤێ سه‌ركردێ دويێ يێ داعش “عبدالرحمن مصطفى قدولى” يه و ژ دايكبوويێ 1954ێ يه ل پارێزگه‌ها نه‌ينه‌وا، به‌رى نوكه مامۆستايێ فيزيايێ بوويه، سه‌ركرده‌كێ ديارێ ده‌وله‌تا ئيسلامى ناسيار ب داعش بوويه و وه‌سان هاتيه زانين كو كه‌سێ دويێ يێ ناڤ داعش بيت.
