وه‌زيرێ ده‌رڤه يێ رۆسيا و سعودى كۆم بوون
ئه‌ڤرۆ نيوز:
سێرگی لاڤرۆڤ وەزیرێ دەرڤەیێ رووسیایێ پشتی گۆتوبێژێن خوە تەڤی عادل جۆبەیر وەزیرێ دەرڤەیێ عەرەبستانا سعودیایێ راگەھاند کو مۆسکۆ و ریاز ل سەر پێویستی یا رەوشێ ل ھەمبەر لھەڤھاتنا ئەتۆمی یا ئیرانێ ب ئاوایێ سیاسی و دیپلۆماتیک کۆکن.
لاڤرۆڤ د پرێس کۆنفرانسەکێ دە تەڤی جوبەیر راگەھاند کو د جڤینا خوە دە بیر و ھزرێن خوە ل ھەمبەر رەوشا لھەڤھاتنا ئەتۆمی یا ئیرانێ لھەڤ گۆھارتنە.
خوەیا ژی کر کو ئەم گرنگیێ ب وێ یەکێ ددەین کو ئەو رەوشە د چارچوڤا کارێن سیاسی و دیپلۆماتیک بھێن چارەسەر کرن.
ژبال خۆ ڤە وەزیرێ دەرڤەیێ عەرەبستانا سعودیایێ تەکەز ل سەر وێ یەکێ کر کو لھەڤھاتنا ئەتۆمی یا تەڤی ئیرانێ لاوازە و بەحسا بەرنامەیا بالستی بخوەڤە ناگرە و ئەو لھەڤھاتن ل سالا 2025 دێ بداوی وەرە، ئەو یەک ژی ترسەکە مەزن ل سەر وی دەڤەرێ چێدکە. ھەروەھا راگەھاند کو ولاتێ وی تەڤی وێ یەکێ دەیە کو جەزایێن بێتر ب سەر ئیرانێ دە بھێ سەپاندن.
ھەڤدەم خوەیا ژی کر کو ولاتێ وی گرنگیەکە ھەری ب دیتنا چارەسەریەکە سیاسی ل یەمەنێ ددە. پشترە ھەردوو ئالی بیر و ھزرێن خوە ل دور ھن پرسێن دن لھەڤگۆھارتن، ل وان ژی پرسا رەوشا ئیدلەبێ و ڤەگەریانا ئاوارەیێن سووریا ژبۆ سەر زێدێن خوە.
