وه‌زيرێ كاره‌بێ:چه‌ندين ساله هێلێن كاره‌بێ بۆ هنده‌ك ويستگه‌هان نه‌هاتينه دابينكرن
ئه‌ڤرۆ نيوز:
په‌رله‌مانێ كوردستانێ ئه‌ڤرۆ سێشه‌مبى 10/12/2019 به‌حسێ كێشا كاره‌با نيشتمانى و به‌لاڤكرنا سوته‌مه‌نيێ ل سه‌ر وه‌لاتيان د وه‌رزێ سه‌رمايێ دا كر، وه‌زيرێ كاره‌بێ ل سه‌ر داخوازا خوه پشكدارى د روونشتنێ دا كر و د گۆتاره‌كێ دا به‌رسڤا بۆچوونێن په‌رله‌مانتاران دا.
كه‌مال محه‌مه‌د سالح، وه‌زيرێ كاره‌بێ ل هه‌رێما كوردستانێ به‌حسێ كێشه و به‌ربه‌ستێن ل به‌رده‌م كه‌رتێ كاره‌بێ ل كوردستانێ كر و راگه‌هاند” بۆ به‌رهه‌مئينانا كاره‌بێ مه پێدڤى ب گازێ يان بودجه‌ى يا هه‌ى”. هه‌روه‌سا دياركر” 13 ويستگه‌هێن به‌رهه‌مئينانا كاره‌بێ يێن هه‌ين كو 6737 ميگاواتێن كاره‌بێ به‌رهه‌م دئينن”.
گۆت ژى” د ده‌مێ چه‌ند سالێن بۆرى دا هژماره‌كا ويستگه‌هێن به‌رهه‌مئينانا كاره‌بێ ل سلێمانيێ و دهۆكێ و هه‌ولێرێ هاتينه دامه‌زراندن، به‌لێ هه‌تا نوكه هێلا كاره‌بێ بۆ نه‌هاتيه دابينكرن و كێشا سه‌ره‌كى يا وه‌زاره‌تێ د به‌لاڤكرنا كاره‌بێ دايه كو ب شێوه‌كێ باش نه‌هاتيه كونترۆلكرن”.
