وه‌زيرێ ناڤخوه‌يا عيراقێ:هنده‌ك ژ په‌قينێن به‌غدا مه يێن ئه‌نجام داين
ئه‌ڤرۆنيۆز:
وه‌زيرێ ناڤخوه‌يا عيراقێ، قاسم ئه‌عره‌جى، راگه‌هاند، ده‌زگه‌هێن ئه‌منى هنده‌ك كريارێن په‌قينا يێن ئاشووپى ل هنده‌ك ده‌ڤه‌ران ل به‌غدا يێن ئه‌نجامداين بۆ به‌رزه‌كرنا پێزانينان ل به‌رده‌م داعشێ.
ئه‌عره‌جى دديداره‌كێ دا ل گه‌ل رۆژناما ئه‌ندبندنت يا بريتانى كو رۆژناما ئه‌لسه‌باح يا عيراقى يا فه‌رمى ڤه‌گۆهاستى، دبێژيت، هنده‌ك كه‌س يێن هه‌ين دناڤ داعشێ دا كو يێن رازى بووين ل گه‌ل مه ژى كاربكه‌ن وداعش يا ئاگه‌هدار نينه ب ڤێ چه‌ندێ وئه‌م ژى وان كاودانان دابين دكه‌ين كو گره‌نتيا نه‌ئاشكراكرنا كه‌سێن دگه‌ل مه دا كاردكه‌ن بكه‌ت.
گۆت ژى، هنده‌ك جاران ده‌زگه‌هێن ئه‌منى مه‌زاختيێن ڤه‌گۆهاستنا ترومبێلان وقونبه‌لان بۆ ناڤ به‌غدا ب ستوويێ خوه ڤه دگرن و ل جهێ داعشێ ده‌ستنيشانكرى كو لێ ب په‌قيت، دهێته په‌قاندن، به‌لێ به‌رى ئه‌م په‌قينێ ئه‌نجام بده‌ين، ئه‌م داخوازێ ژ خه‌لكى دكه‌ين ژجهێن خوه دووربكه‌ڤن وپاشى به‌ياننامه‌كا فه‌رمى ده‌ردكه‌ين وتيدا هنده‌ك ئاماررێن دره‌و ل دۆر قوربانيێن په‌قينێ به‌لاڤ دكه‌ين.
