وه‌زيرێ ناڤخوه‌يا عيراقێ ل گه‌ل ريڤه‌به‌رێن ره‌گه‌زنامێ و پاسه‌پۆرتان ل هه‌رێمێ كۆمبوو
ئه‌ڤرۆنيوز:
ئه‌ڤرۆ سێشه‌مبى 26/12/2017 وه‌زيرێ ناڤخوه‌يا عيراقێ ل به‌غدا ل گه‌ل شانده‌كى ژ رێڤه‌به‌رێن چه‌ندين فه‌رمانگه‌هێن سه‌ر ب وه‌زاره‌تا ناڤبرى ڤه ل هه‌رێما كوردستانێ كۆمبوو.
ل دووڤ ده‌زگه‌هين راگه‌هاندنێ ل عيراقێ، ئه‌ڤرۆ قاسم ئه‌عره‌جى وه‌زيرێ ناڤخوه‌يا عيراقێ ل گه‌ل رێڤه‌به‌رێن ره‌گه‌زنامێ وپاسه‌پۆرتان ونشينگه‌هێ وكارتا زانياريان ل پارێزگه‌هێن هه‌ريما كوردستانێ كۆمبوو.
ئه‌عره‌جى دووپاتى ل سه‌ر دوباره رێكخستنا رێنمايێن كارێ هه‌ڤپشك كر وده‌ستخوه‌شى ل رۆلێ شاندى كر دبرێڤه‌برنا كاروبارێن وه‌لاتيان ل هه‌رێما كوردستانێ.
وه‌زيرێ ناڤخوه‌يا عيراقێ دوێ كۆمبوونێ دا به‌رهه‌ڤيا خوه دياركر بۆ پێشكێشكرنا داخوازيه‌كێ بۆ جڤاتا وه‌زيرێن عيراقێ بۆ ڤه‌كرنا فرۆكخانێن هه‌رێما كوردستانێ.
ژلايێ خوه‌ڤه ديدار عومه‌ر رێڤه‌به‌رێ ره‌گه‌زنامێ ل پارێزگه‌ها هه‌ولێرێ داخوازا چاره‌كرنا ئاريشا مووچێن فه‌رمانبه‌ران كر.
