وه‌زيرێ په‌ترۆلا عيراقێ:رێككه‌فتنا به‌غدا و هه‌ولێرێ ل ده‌ستپێكا 2020 دێ هێته بجهئينان
ئه‌ڤرۆ نيوز:
سامر غه‌زبان، وه‌زيرێ په‌ترۆلا عيراقێ د داخۆيانيه‌كا رۆژنامه‌ڤانى بۆ رۆژناما (الصباح) يا عيراقى ئاشكراكر كو حوكمه‌تا ناڤه‌ندى هيچ گۆمانه‌ك ل سه‌ر هژمار و داتايێن په‌ترۆلا هه‌رێما كوردستانێ نينه و ئاماژه دكه‌ت كو رێككه‌فتنا به‌غدا و هه‌ولێرێ ل ده‌ستپێٍكا سالا داهاتى (2020) دێ چيته د وارێ بجهئينانێ دا.
وه‌زيرێ په‌ترۆلا عيراقى راگه‌هاند ژى” ل دووماهى سه‌ره‌دانا شاندێ هه‌رێما كوردستانێ بۆ به‌غدا دانوستاندن ل سه‌ر پرۆژێ بودجا گشتى يا عيراقێ بۆ سالا 2020 بوو و هه‌روه‌سا چاوانيا دابينكرنا پشكا هه‌رێما كوردستانێ د بودجێ دا”.
خوياكر ژى كو به‌غدا و هه‌ولێر د رژدن ل سه‌ر بجهئينانا رێككه‌فتنا د ناڤبه‌را وان دا و چاره‌سه‌ركرنا كێشێن گرێداى ب په‌ترۆلێ ڤه.
هه‌روه‌سا گۆت” ل شوونا وى بودجێ بۆ هه‌رێما كوردستانێ هاتيه دياركرن، 250 به‌رميلێن په‌ترۆلا هه‌رێمێ ب رێيا به‌غدا دێ هێته فرۆتن و ئه‌ڤ رێككه‌فتنه ل ده‌ستپێكا سالا داهاتى هێته بجهئينان.
