وه‌زيرێ په‌ترۆلێ: كێشا په‌ترۆلا كه‌ركووك چاره بوو
ئه‌ڤرۆ نيوز:
عادل عەبدولمەهدی، وەزیرێ پترۆلا عێراقێ راگه‌هاند كو كێشا په‌ترۆلا كه‌ركووك چاره بوو و ل دووماهيا حه‌فتيا بۆرى ده‌ست ب هنارتنا په‌ترۆلا كه‌ركووك ب رێيا توركيا ب گۆره‌يى رێكه‌فتنا ناڤبه‌را هه‌رێما كوردستانێ و عيراقێ هاته هنارتن.
عادل عه‌بدولمه‌هدى بۆ (العربي الجديد) يا قه‌ته‌رى گۆت: “نوكه ب گشتى 175 هزار به‌رميلێن په‌ترۆلێ ل كه‌ركووك دهێنه هنارتن، پشتى ب دووماهى هاتنا كارێن ته‌كنيكى و پێكڤه‌گرێدانا بۆريان ب دووماهى هاتى، كو مه‌ره‌م ژێ پێكڤه‌گرێدانا بۆرێن په‌ترۆلا كه‌ركووكێ ب هه‌رێمێ ڤه يه.
ديسا وه‌زيرێ په‌ترۆلا عيراقێ راگه‌هاند رێژا به‌رهه‌مئينانا په‌ترۆلێ دێ بۆ چار مليۆن به‌رميلان د رۆژه‌كێ دا زێده‌كه‌ت، د هه‌مان ده‌م دا، عاسم جيهاد، ئاخفتنكه‌رێ ب ناڤێ وه‌زيرێ په‌ترۆلێ راگه‌هاند كو هه‌يڤا بۆرى رێژا گشتيا هنارتنا په‌ترۆلا عيراقێ 2.94 مليۆن به‌رميل بوويه د رۆژه‌كێ دايه.
ئاماژه ب وێ چه‌ندێ ژى كر كو هه‌يڤا بۆرى بهايێ فرۆتنا په‌ترۆلا عيراقێ 57 دۆلار بووينه بۆ هه‌ر به‌رميله‌كێ كو هه‌موو داهاتێ عيراقێ ژ په‌ترۆلێ د وێ هه‌يڤێ دا 5.24 مليار دۆلار بووينه، داهاتێ هه‌موو سالا رابوورى ژى 84.21 مليار دۆلار بووينه.
