وه‌زيرێ پێشمه‌رگه‌يى دێ چيته په‌رله‌مانى
ئه‌ڤرۆ نيوز:
ل دۆر بجهنه‌ئينانا بڕيارا ژماره 19 يا په‌رله‌مانێ كوردستانێ كو يا تايبه‌ته ب خۆشكرنا ره‌وشا پێشمه‌رگه‌يى، وه‌زيرێ پێشمه‌رگه‌يى ل هه‌رێمێ دێ بۆ په‌رله‌مانى هێته گازيكرن.
بهار عه‌بدولره‌حمان، بڕيارده‌را لژنا كاروبارێن پێشمه‌رگه‌يى وشه‌هيدان و قوربانيێن جينوسايد راگه‌هاند كو ب نيازن بۆ جارا دويێ وه‌زيرێ پێشمه‌رگه‌يى گازى لژنا خوه بكه‌ن، ل سه‌ر بجهنه‌ئينانا بڕيارا ژماره 19 يا په‌رله‌مانى كو يا تايبه‌ته ب باشتركرنا ره‌وشا پێشمه‌رگه‌يى.
بهار عه‌بدولره‌حمان گۆتژى: “نڤيسارا وه‌زاره‌تا پێشمه‌رگه‌يى ب ده‌ست ئه‌وان گه‌هشتيه، ل دۆر بجهئينانا بڕيارا ژماره 19، به‌لێ پێبينى ل سه‌ر نڤيسارێ هه‌نه و بۆ روونكرنێن زێده‌تر، دڤێت جاره‌كا دى، وه‌زيرێ پێشمه‌رگه‌يى گازى په‌رله‌مانى بكه‌ن.
ئه‌وێ په‌رله‌مانتارێ ئاماژه ب وێ چه‌ندێ ژى كر كو ژ 21 برگێن بڕيارا ژماره 19 ب تنێ ئێك برگه ژێ هاتيه بجهئينان و هژماره‌كا بڕگان تێدايه كو په‌يوه‌ندى ب بارێ دارايى ژى نينه و نه‌هاتينه بجهئينان.
بڕيارا ژماره 19 ژ لايێ په‌رله‌مانێ كوردستانێ بۆ باشتركرنا ره‌وشا پێشمه‌رگه‌يى ل رۆژا 23\7\2014 ده‌رچوويه و ژ 21 برگان پێك دهێت.
ده‌قێ بڕيارا ژماره 19 يا په‌رله‌مانێ كوردستانێ
