وه‌زیرێن هه‌ده‌پێ خوه ژ حكومه‌تا كاربرێكه‌را توركیا ڤه‌دكێشن
ئه‌ڤرۆ نیوز: ڤه‌ده‌ر ره‌شاڤایی:
دو وه‌زیرێن هه‌ده‌پێ د حكومتا كاربرێكه‌را توركیا دا ده‌ستژكاركێشانا خوه ژ پۆستێن خوه راگه‌هاندن وه‌ك نه‌رازیبوون لدژی سه‌ره‌ده‌ریكرنا حكومه‌تا توركیا لگه‌ل توندوتیژییا ل باكۆرێ كوردستانێ و هۆشداری دان ژ وێ یه‌كیچ كو هه‌لبژارتنێن په‌رله‌مانیێن داهاتی ل وی وه‌لاتی د مه‌ترسیێ دانه.
ده‌ستژكاركێشانا وه‌زیرێ گه‌شه‌پێدانێ موسلم دۆغان و وه‌زیرێ كارۆبارێن ئێكه‌تیا ئه‌ورۆپا عه‌لی حه‌یده‌ر كونجا دده‌مه‌كی دا هات كو توندوتیژیێن دناڤبه‌را په‌كه‌كێ و توركیا به‌ره‌ڤ ئاسته‌كێ بلند چووینه.
