وه‌زیرێ ناڤخوه: دێ ده‌رگه‌هێن مزگه‌فتان هێنه ڤه‌كرن
ئه‌ڤرۆ نیوز، سالار دۆسکی:
د چارچووڤێ كومبوونه‌كا هه‌ڤپشك دا ل گه‌ل سه‌رۆكێ فراكسیونه‌كا په‌رله‌مانێ كوردستانێ وه‌زیرێ ناڤخوه دیاركر، كو هه‌كه ره‌وش بڤی ره‌نگی بیت، دێ سه‌رێ گولانێ ده‌رگه‌هێن قوتابخانه، زانكۆ و مزگه‌فتان هێنه ڤه‌كرن.
عه‌بدوستار مه‌جید سه‌رۆكێ فراكسیوونا كومه‌لا ئیسلامی یا كوردستانێ، كو ئه‌ڤرۆ ب مه‌ره‌ما چه‌ند پرسان سه‌رەدانا رێبه‌ر ئه‌حمه‌د وه‌زیرێ ناڤخوه ل حوكمه‌تا هه‌رێما كوردستانێ كریه، ئه‌ڤرۆ پشتی نیڤرۆ 23ی نیسانێ بۆ ئه‌ڤرۆ نیۆز ئاشكراكر كو رێبه‌ر ئه‌حمه‌د وه‌زیرێ ناڤخوه ل حوكمه‌تا هه‌رێما كوردستانێ دیاركر كو هه‌كه هه‌تا 2/5/ كاودانێن ڤایرۆسێ كورونا ل هه‌رێمێ بڤی ره‌نگی بن و چ نه‌خوش نه‌مینن دێ ده‌رگه‌هێن قوتابخانا و زانكۆ و مزگه‌فتان هێنه‌ڤه‌كرن.