وه‌زیرێ به‌ره‌ڤانیا توركیا: هه‌كه ئاگر به‌ستێ شكه‌ستن ئینا دێ ئوپراسیونان ده‌ست پێ كه‌ینه‌ڤه
ئه‌ڤرۆ نیوز:
وه‌زیرێ به‌ره‌ڤانیا توركیا راگه‌هاند: هه‌كه ئاگربه‌ست ل پارێزگه‌ها ئدلبێ شكه‌ستن ئینا، هێزێن توركیا ژ وی جهێ ئوپراسیون راوه‌ستاندین دێ جاره‌كا دی ده‌ست پێ كه‌ن.
خلوسی ئه‌كار وه‌زیرێ به‌ره‌ڤانیا توركیا راگه‌هاند هێزێن توركیا نوكه به‌رده‌وامن ل بجهكرنا ئه‌ركێ سه‌ربازی یێن خۆ ل خالێن چاڤدێریكرنێ ل پارێزگه‌ها ئدلبێ، چ ئه‌گه‌رێن ڤه‌كێشانێ نینن.
وه‌زیرێ به‌ره‌ڤانیا توركیا ئه‌و چه‌نده ژی راگه‌هاند: نوكه دانوستاندن دناڤبه‌را توركیا و روسیا ل سه‌ر ئدلبێ پێشڤه‌چوونه‌كا باش بخوڤه‌دیتیه، هه‌كه راگه‌هاندنا ئاگربه‌ستێ ب هه‌ر ئه‌گه‌ره‌كی شكه‌ستنێ بینیت، ئه‌ڤه ئوپراسیونا سه‌ربازێن توركیا ل ئدلبێ ده‌ست پێ كه‌ن.
ئێكێ ئه‌ڤێ هه‌یڤێ توركیا ژ ئه‌نجامێ كوشتنا 36 سه‌ربازێن ئه‌سه‌دی ب بوردومانكرنێ، ئوپراسیونه‌كا سه‌ربازی بناڤێ قه‌لغانا بهارێ ده‌ستپێكر.
پێنجێ ئه‌ڤێ هه‌یڤێ ئه‌ردوغان و پوتن سه‌رۆكێ روسیا كۆمبوون، ژبوی بگه‌هنه رێكه‌تنه‌كێ بۆ چاره‌كرنا قه‌یرانا ئدلبێ، هه‌ردو لا رێكه‌تن ل سه‌ر راگه‌هاندنا ئاگربه‌ستێ ل شه‌شێ ئه‌ڤێ هه‌یڤێ و رێكا نێڤ ده‌وله‌تی 4ئێم وه‌ك رێكه‌كا ئارام هاته ده‌ست نیشانكرن.
