وه‌لاته‌كێ دى يێ ئورۆپى دێ كونسۆلخانا خوه ل هه‌ولێرێ ڤه‌كه‌ت
ئه‌ڤرۆنيوز:
وه‌لاته‌كێ دى يێ ئورۆپى دێ كونسۆلخانا خوه ل هه‌رێما كوردستانێ ڤه‌كه‌ت وپه‌يوه‌نديێن خوه ل گه‌ل هه‌رێمێ به‌ر ب پێش به‌ت.
ئۆروش بالۆڤ، بالیۆزێ سربیا ل عێراقێ راگه‌هاند، كۆمارا سربيا ل به‌ره كونسۆلخانا خوه ل هه‌ولێرێ ڤه‌كه‌ت ب مه‌ره‌ما ب هێزكرنا په‌يوه‌نديێن ئابوورى وسياسى دناڤبه‌را سربيا وهه‌رێما كوردستانێ.
باليۆزێ سربيا ل عيراقێ بۆ كوردستان 24 گۆت” ل ده‌ستپێكا سالا 2019 كونسۆلخانا سربيا ل هه‌رێما كوردستانێ دێ هێته ڤه‌كرن”.
ل دووڤ ئامارێن فه‌رمانگه‌ها په‌يوه‌نديێن ده‌رڤه يێن حوكمه‌تا هه‌رێما كوردستانێ نوكه 36 كونسۆلخانه ونڤيسينگه‌هێن كونسۆلگه‌رى وكونسۆلخانێن فه‌خرى يێن وه‌لاتێن بيانى ل هه‌رێما كوردستانێ يێن هه‌ين.