وه‌لاتیێن شێلادزێ دبنه ئارمانجا فرۆكێن توركیا و كوشتى و بریندار هه‌نه
ئه‌ڤرۆ نیوز ، نه‌وزاد هلۆرى:
شه‌ڤا بورى ژ ئه‌نجامێ بوردومانا فروكێن توركیا بو سه‌ر وه‌لاتیێن كومه‌لگه‌ها سیریێ یا سه‌ر ب ناحیا شێلادزێ ل سنوورێ قه‌زا ئامێدیێ هژماره‌كا وه‌لاتیان هاتنه كوشتن و برینداركرن.
دڤى واریدا ” زێدان ته‌مه‌ر ” شایه‌تحال و ئێك ژ كه‌س و كارێن وان قوربانیان بو ئه‌ڤرۆ نیوز گۆت: ( شڤێدى چه‌ند گه‌نجه‌كێن گوندێن كریادێرێ و گوندێ سیته ل سه‌نته‌رێ كومه‌لگه‌ها سیریێ یا سه‌ر ب ناحیا شێلادزێ كو هنده‌ك ژ وان پسمامێن من بوون چوینه ده‌ڤه‌را نێروه و رێكان ب مه‌ره‌ما گرتنا ماسیان ، به‌لێ شڤێدى فروكێن توركیا هێرش كریه سه‌ر وان كریه و ل گوره‌ى زانیاریێن مه سێ كه‌س هاتینه كوشتن و ئێك ژى برینداره)
زێده‌تر گۆت: ( ناهێته زانین كیژانن كو هاتینه كوشتن ژبه‌ركو فروكان ئه‌و سوتنه و ناهێنه نیاسین ، به‌لێ نها خه‌لكه‌كێ زور دبزاڤێ دانه بگه‌هنه جهێ روودانێ و ل گه‌لیێ بالندا و ئاڤا مارك كومبووینه)
