وه‌لاتێ ئێكێ د یه‌ده‌كێ په‌تر‌ولێ دێ پێرابوونێن مه‌زن یێن ئابووری وه‌رگریت
ئه‌ڤرۆنیۆز، ئه‌یاد به‌رواری
سه‌رۆكێ وه‌لاتێ ئێكێ د یه‌ده‌كێ په‌ترۆلێ دا ل جیهانێ، ئه‌ڤرۆ سێشه‌مبی، راگه‌هاند، وه‌لاتێ وی د چه‌ند ده‌مژمێرێن داهاتی دا دێ پێرابوونێن ئابووری یێن نه‌ئاسایی راگه‌هینیت.
نیكۆلاس مادۆر سه‌رۆكێ فه‌نزویلا، ل دووڤ (روسیا الیوم) د داخۆیانیه‌كێ دا بۆ ئاژانسا ده‌نگوباسێن فه‌نزویلا گوت” ئارمانج ژ وان پێرابوونێن ئابووری زێده‌بوونا ئاماژێن به‌رهه‌مئینانێ یێن بنه‌ره‌تی یه و به‌لاڤكرنا به‌رهه‌مان و چاڤدێری ل سه‌ر بهایان و دێ پلانه‌كا نه‌ئاسایی د بیاڤێ ئابووری دا هێته كاراكرن”.
سه‌رۆكێ فه‌نزویلا داخوازا دیاركرنا بهایێن په‌ترۆلێ ل جیهانێ كربوو، دیسا داخوازكربوو راده‌ك بۆ به‌رهه‌مئینانا په‌ترۆلێ بهێته دانان بۆ راوه‌ستاندنا هاتنا حوار یا بهایێن په‌ترۆلێ.
فه‌نزیلا دهێته هژمارتن وه‌لاتێ ئێكێ د بیاڤێ هه‌بوونا یه‌ده‌كێ په‌ترۆلی دا كو 297 ملیار به‌رمیلێن یه‌ده‌كێن په‌ترۆلێ یێن هه‌ین و ل سالا 2014 ێ هه‌شته‌مێن وه‌لات بوو د هنارده‌كرنا په‌ترۆلێ دا ل جیهانێ.